Бэс ыйын 24 күнүгэр Дьокуускай куоракка «Айыллан» норуот тыйаатыра II Аан дойдутааҕы «Книжный ветер» фестивальга кыттыыны ылла. Тэрээһин Комсомольскай болуоссакка аһаҕас халлаан анныгар ыытылынна. «Айыллан» норуот тыйаатыра Дмитрий Михайлович Говоров-олоҥхоһут Миитэрэй «Мүлдьү Бөҕө» олоҥхотунан быһа тардан театрализованнай дьүһүйүүнү көрөөччү дьүүлүгэр таһаарда. Оруолларга оонньоотулар: олоҥхоһут Миитэрэй-Иван Барашков, Күн Сыралыман Тойон-Иван Сухонин, Аан Дархан Хотун-Татьяна Габышева, Халыадьыма Бэргэн- Владимир Алексеев, Үрүҥ Үкүйдээн-Айыына Афанасьева, Мүлдьү Бөҕө- Николай Васильев, Уот Чолбоодой удаҕан-Лилиана Петухова, удаҕан кыыс Ирина Слепцова, итэҕэс оҕо-Афанасий Габышев, Бүгүстээн Хара абааһы уола — Марсен Протопопов, Уһуутуур Уот Чымаадай ойуун- Андрей Макаров, Аан Алахчын хотун-Мария Винокурова, Симэхсин эмээхсин-Анастасия Сухонина, Суодайа Хара уус-Ион Соловьев, уус уол-Николай Тютрин, баабыскаһыт дьахтар-Акулина Сокольникова, көмөлөһөөччү дьахталлар-Наталья Капитонова, Мария Васильева, гример Лариса Алексеева. Аан дойдутааҕы фестивальга араас дойдуттан биирдиилээн уонна ансаамбыллар кэлэн кыттыыны ыллылар, тэрээһиҥҥэ кинигэ быыстапката, маастар кылаастар, көрсүһүүлэр тэрилиннилэр. Түгэнинэн туһанан куруутун күүс-көмө буолар Уус-Алдан улууһун Аҕа баһылыгар Алексеев Василий Петровичка, артыыстары көстүүмнэринэн, атрибуттарынан хааччыйбыт «Олоҥхо дьиэтэ» этнокультурнай киин үлэһиттэригэр , улуустааҕы КЦСЗНиТ тэрилтэ суоппарыгар Алексей Портнягиҥҥа «Түмсүү» НАК коллективыттан «Айыллан» НТ артыыстарыттан улахан махталбытын тиэрдэбит.
