Ахсынньы 6 күнүгэр биир дойдулаахпыт РФ суруйааччыларын, суруналыыстарын сойуустарын чилиэнэ, РФ үтүөлээх учуутала, Уус-Алдан улууһун , Бороҕон нэһилиэгин Бочуоттаах олохтооҕо Т.П.Находкина суруйуутугар олоҕуран туруоруллубут 8 көстүүлээх «Ийэ сүрэҕэ» драманы «Айыллан» норуот тыйаатыра дьон -сэргэ дьүүлүгэр таһаарда. Сүрүн оруолларга оонньоотулар: Ийэ — Татьяна Габышева оруолун итэҕэтиилээхтик толордо, Уолаттар- Миитэ, Ыстапаан, Баһылай оруолларыгар табыллан оонньоотулар Николай Васильев, Афанасий Габышев, Вальдемар Алексеев, Ыстапаан аҕа оруолугар — Егор Петров, Мачыана — Анастасия Сухонина, кийииттэр Вера, Кристина — Виктория Барашкова, Мария Винокурова, сэбиэт бэрэссэдээтэлэ — Иван Барашков, биригэдьиир — Андрей Макаров, эһэлэрэ Киргиэлэй оҕонньор- Петр Черкашин, Даайа оҕо көтөҕөөччү-Акулина Сокольникова, Аана — Анна Алексеева, Маайа сиэннэрэ — Сардаана Барашкова, Саян Барашков. Маассабай сыанаҕа кытыннылар — Светлана Прудецкая, Татьяна Ксенофонтова, Валентина Кондакова, Ирина Черкашина, Мария Васильева. «Ийэ сүрэ5э» драманы көрөөччүлэр ис дууһаларыттан ылынан, оччотооҕу ыар кэмнэри сүрэхтэринэн ылынан дуоһуйа көрдүлэр, драма табыллан турбутунан артыыстарга махтал тылларын эттилэр. Автор Татьяна Петровна кэлэн ыалдьыттаан, суруйбут айымньытын астына көрөн сэргээтэ. «Түмсүү» норуот айымньытын киинин коллектива уонна модельнай библиотека салайааччыта С.А. Прудецкая Татьяна Петровнаҕа айымньылаах үлэтигэр ситиһиилэри баҕардылар уонна үрдүк сыанаттан махтал суруктары, сэмэй бэлэҕи туттардылар.
