Тохсунньу 20 күнүгэр «Түмсүү» норуот айымньытын киинигэр үүммүт 2026 сылынан «Аал уот» аҕам саастаахтар, «Көмүлүөк» үһүс саас оскуолата ыаллыы сытар Нам улууһун Хомустаах II-c нэһилиэгиттэн Сивцева Надежда Ивановна салайааччылаах «Алгыс» аҕам саастаахтар түмсүүлэрэ, Баатаҕай нэһилиэгиттэн Пермякова Августина Петровна салайааччылаах «Алгыс» ветераннарын түмсүүтүн кытта көрүстэ. Нэһилиэк аҕам саастаахтара кэлбит ыалдьыттары сахалыы сиэринэн-туомунан алаадьынан, кыынньа сылдьар уохтаах кымыһынан айах тутан, уруйдаан-айхалаан көрүстүлэр. Ол кэннэ «Арчы» дьиэтигэр алгыс сиэрэ-туома ыытылынна, алгысчыт Сокольникова Акулина Степановна, арыалдьыттар Иванова Светлана Ивановна, Черкашин Петр Егорович. Тэрээһин торжественнай чааһыгар нэһилиэк баһылыгын эбээһинэһин толорооччу Копырин Константин Михайлович бырааһынньыктааҕы эҕэрдэтэ , «Аал уот» аҕам саастаахтар түмсүү салайааччыта Черкашин Петр Егорович үбүлүөйдээх аҕам саастаахтары чиэстээтэ, наҕараадалаата. Бырааһынньыктааҕы остуол тула аҕам саастаахтар ирэ-хоро кэпсэтэн, үлэ опытын атастаһан ыллаан-туойан, баянынан үҥкүү-битии, араас көрдөөх оонньуулары оонньоотулар. Культура сылын чэрчитинэн олохтоох библиотека салайааччыта Прудецкая Светлана Александровна хамаанданан «Толкуйдаа, оонньоо, кыай-» интерактивнай оонньууну тэрийэн, хамаандалар көхтөөхтүк кыттаннар 1 миэстэни ыллылар Бороҕон нэһилиэгин хамаандата, иккис миэстэ Баатаҕай нэһилиэгэ, 3 миэстэ Хомустаах II-c нэһилиэгэ. Бырааһынньык интэриэһинэй күрэҕинэн Бал-маскарад бэрт көхтөөхтүк элбэх киһини хабан ыытылынна. Бастакы миэстэни ылла Баатаҕай нэһилиэгиттэн «Дьөһөгөй» маскарад, иккис миэстэ Хомустаах-II нэһилиэгиттэн «Дьөһөгөй» маскарад, 3 миэстэни ыллылар Бороҕон нэһилиэгиттэн ааспыт сыл бэлиэтэ моҕой, уонна Лабубу маскарад. Кыайыылаахтарга сыаналаах бириистэр туттарылыннылар, ону тэҥэ Бал-маскарад күрэҕэр кыттыбыт аҕам саастаах дьоммутугар бука барыларыгар биһирэбил бириис туттарылынна. Саҥа үүммүт сылынан Тымныы Моруос оҕонньор, сиэнэ кыыс Хаарчаана, харыйа тула хоровод, ырыа-тойук ылланна. Бырааһынньыктааҕы тэрээһини иилээн-саҕалаан ыыттылар Элэһин кулуубун уус-уран салайааччыта Соловьев Ион Степанович, Арыы-Тиит учаастагыттан Бороҕон нэһилиэгин депутата Заровняева Лена Петровна. Тэрээһинтэн дуоһуйа астыннылар, оонньоон көрүлээн, үлэ опытын атастаһан, түмүккэ уопсай хаартысканан түһүүнэн тэрээһин түмүктэннэ.
