Алтынньы 24 күнүгэр республикаҕа Ийэ декадатын түмүктүүр тэрээһиҥҥэ «Ийэ Аан дойду аанньала» ийэлэргэ, эбээлэргэ анаан бырааһынньыктааҕы остуол тэрилиннэ. Дьоро күҥҥэ солбуйар баһылык Протопопов Марсен Семенович анал байыаннай дьайыы ийэлэригэр, нэһилиэк культурнай олоҕор активнай кыттааччыларга анаан эҕэрдэ суруктары туттарда, ийэлэргэ анаан эҕэрдэ ырыатын бэлэх уунна. Тэрээһиҥҥэ хамаандалар бэлэмнэнэн кэлбит 1960-2000 с.с муода көрдөрдүлэр, бырааһынньыктааҕы бүлүүдэни көмүскээтилэр, уопсай түмүккэ кыайыылаахтарынан балыыһа, олохтоох дьаһалта коллективтара, иккис миэстэ «Тумулчаана» оҕо саадын коллектива буоланнар «Түмсүү» НАК бэйэ илиитинэн оҥорбут алгыс наборун, харысхалын бэлэх туттулар. Дьоро күҥҥэ олохтоох библиотекарь Прудецкая С. А. викторината, остуол тула араас көрдөөх оонньуулар, ырыа-тойук ылланна. Тэрээһинтэн астынан, илии тутуурдаах, өттүк харалаах, түмүккэ уопсай хаартыскаҕа түһүүнэн түмүктэннэ.
