Муус устар 4 күнүгэр «Түмсүү» норуот айымньытын киинигэр «Күндээр» оҕо үҥкүү ансаамбыла тэриллибитэ 5 сыллаах үбүлүөйэ, ону тэҥэ Елена Дмитриевна Иванова кэрэ эйгэҕэ үлэлээбитэ 15 сылын бэлиэтиир үҥкүү түһүлгэтэ тэрилиннэ. Тэрээһин торжественнай чааһыгар эҕэрдэлэрин тиэртилэр Бороҕон нэһилиэгин баһылыгын эбээһинэһин толорооччу Копырин К. М., Уус-Алдан улууһун культураҕа управлениятын начальнигын солбуйааччы Новоприезжий С. А., Тумул орто оскуолатын директора Петров Е. Д., оскуола профкомнара Алексеева Л. А., Васильева А. Д, «Түмсүү» норуот айымньытын киинин аатыттан Габышева Т. Г., «Күндээр» ансаамбылын выпускниктара, ансаамбыл иитиллээччилэрин төрөппүттэрэ, Бэрт Хара нэһилиэгиттэн иистэнньэҥ, ансаамбылга үҥкүү таҥастарын тигэр Боярова М. И., Уус-Күөлтэн «Үрүйэчээн» үҥкүү ансаамбылын салайааччыта Аммосова А. А, Жиркова С. В, Копырина У. П. Ефимова М. Е. Үҥкүү дьоро түһүлгэтигэр «Күндээр» оҕо үҥкүү ансаамбыл 5 сыл устата үҥкүүлэммит үҥкүүлэрин, үлэ түмүгүн дьон-сэргэ дьүүлүгэр таһаардылар. Үҥкүү киэһэтигэр ансаамбыл кыра, орто, улахан бөлөҕө, выпускниктара бииртэн биир чаҕылхай үҥкүүлэрин көрөөччүгэ бэлэхтээтилэр, көрөөччүлэр астынан-дуоһуйан ытыстарын тыастарын бэлэхтээтилэр. Тэрээһин түмүгэр уопсай өйдөб;нньүк хаартыскаҕа түстүлэр, төрөппүттэр оҕолорго анаан бырааһынньыктааҕы фуршет тэрийдилэр.
