Алтынньы ый 17 күнүгэр Арыы-Тиит учаастагар Саха сирин Ийэлэрин күнүгэр аналлаах «Күн күбэй ийэлэрбит» тэрээһин ыытылынна. Быйылгы дьылга Ийэ үрдүк аатын ылбыт эдэркээн ийэҕэ Никифорова М. Н. СК аатыттан анал бириис туттарылынна. Далбар мааны ийэлэри ылбаҕай ырыаларынан э5эрдэлээтилэр сынньалаҥ киин салайааччыта Попова Д. М. «Кытыл» ансаамбыл салайааччыта Заровняева Л. П., эдэр ийэ Никифорова М. Н. Ийэлэр көрдөөх оонньууларга кыттан бука — бары бириис ылан үөрдүлэр. Ийэҕэ аналлаах викторинаҕа кыайан Татаринова Л. Г. анал бирииһинэн наҕараадаланна. «Кэл, олох сэһэргэһиэх» тэрээһин истиҥ чааһыгар минньигэс астаах остуол тула олоророн эҕэрдэ тыллар, ырыа-тойук дьиэрэйдэ. Ийэлэр ирэ-хоро кэпсэтэн астына оонньоон, көрүлээн, түмүккэ уопсай хаартыскаҕа түстүлэр.
