Алтынньы 31 күнүгэр «Түмсүү» норуот айымньытын киинигэр күһүҥҥү каникул кэмигэр оскуола оҕолоругар анаан «MOVIE ПАТИ» костюмированнай биэчэр тэрилиннэ. Уопсайа 2 хамаандаҕа арахсан 5 станциялаах «Тайна слов» квест оонньууга кытыннылар. Бастакы хамаанда «Люди в черном», хамаанда хапытаана Дьулус Иванов, иккис хамаанда «Монстры на каникулах», хамаанда хапытаана Вальдемар Алексеев. Ол курдук «Паутинка», «Темная комната», «Мир эмодзи», «Комната знаний», «Сонг пати» станцияларга оҕолор араас сорудахтары толорон көхтөөхтүк кытыннылар.. Хас биирдии станция аайы «Түмсүү» НАК үлэһиттэрэ киинэ, мультик геройдарын образтарынан таҥнан быраабыланы быһааран бэриллибит сорудахтары кэпсээн, көрдөрөн истилэр. Тыҥааһыннаах күрэхтэһии түмүгүнэн иккис хамаанда «Монстры на каникулах» кыайыылааҕынан таҕыста. Маны таһынан «Лучший грим из фильма» күрэххэ Виолетта Петухова, «Лучший костюм из мультфильма» күрэххэ Саюлина Аввакумова кыайыылааҕынан таҕыстылар. Кыйыылаахтарга, оонньообут оҕолорго бириис туттарылынна, ол кэннэ уоттаах-күөстээх дискотека тэрилиннэ. О5олор элбэ5и билэн-көрөн, сонун тэрээһинтэн сэргэхсийэн сынньалаҥнарын туһалаахтык атаардылар.
