«Түмсүү» сынньалаҥ киинигэр «Аал уот» аҕам саастаахтар түмсүүлэрэ Аан дойду дьахталларын күнүн бырааһынньыгын бэлиэтээтилэр. Тэрээһин торжественнай чааһыгар «Аал уот» түмсүү салайааччыта Черкашин П. Е. кэлбит кэрэ аҥардары уонна үбүлүөйдээх аҕам саастаах ветеран үлэһити Барашкова Раиса Тихоновнаны бырааһынньыгынан эҕэрдэлээтэ. Кэрэ аҥардар бэлэхтэри туттарыстылар, эҕэрдэ тыллары эттилэр. Дьоро күҥҥэ «Түмсүү» сынньалаҥ киин күүстээх аҥардара бырааһынньыктааҕы музыкальнай нүөмэрдэринэн киэргэттилэр. Толору астаах остуол тула араас бэһиэлэй оонньуулар, ырыа-тойук тэрилиннэ. Маны таһынан сандал сааһы көрсө «Дьоро күн маанылаах аһа», ретро-мода күрэхтэр бэрт көхтөөхтүк тэрилиннилэр. Күрэх кыайыылаахтара грамотанан, сыаналаах бириистэринэн наҕараадаланнылар. Дьокуускай куоракка ыытыллыбыт «Якутия мастеровая» республиканскай иис-уус выставка-ярмаркатын кыттыылааҕа Габышева Анастасия Гаврильевна кыттан «Национальнай костюм» анал аакка тиксэн грамотанан наҕараадаланна, бу кыттыытын туһунан сырдатан кэпсээтэ, сырдатта. Бырааһынньыктааҕы тэрээһинтэн астынан-дуоһуйан, ирэ-хоро кэпсэтэн, уопсай хаартыскаҕа түһүүнэн дьоро күн түмүктэннэ.
