Муус устар 12 күнүгэр сандал сааһы көрсө булчуттар күрэхтэрэ тэрилиннэ. ТСТ Бороҕон нэһилиэгин солбуйар баһылыга бырааһынньыктааҕы эҕэрдэтэ, ырыа-тойук ылланна, оскуола саастаах оҕолорго анаан сүүрүү, хаатыҥка быраҕыыта, ырыа-хоһоон, кэрэ аҥардарга хаатыҥка быраҕыыта, күрэхтэр бэрт көхтөөхтүк ыытылыннылар, түөлбэ олохтоохторо хорчуопка, атыы-тутуу тэрийдилэр. Олохтоох дьаһалта көҕүлээһининэн булчуттар күрэхтэрэ бэрт көхтөөхтүк тэрилиннэ. Күрэххэ 3 хамаанда 5 түһүмэххэ илин-кэлин түһүстүлэр. Күрэҕи дьүүллээтилэр ТСТ Бороҕон нэһилиэгин солбуйар баһылыга Протопопов М. С., спортзал инструктора Габышев А.А. Тыҥааһыннаах киирсии кэннэ 1 миэстэни ылары ситистилэр «Мохсоҕоллор» хамаанда уонна нэһилиэк кадровай булчута Алексеев Гаврил Тихонович оҕолоро, сиэннэрэ олохтообут бирииһинэн, грамотанан наҕараадаланнылар. Иккис миэстэни ЖКХ хамаандата ылла уонна нэһилиэк кадровай булчута Петухов Дмитрий Дмитриевич дьиэ-кэргэнэ олохтообут анал бирииһэ, «Түмсүү» норуот айымньытын киинин бирииһинэн, грамотанан наҕараадаланнылар. 3 миэстэни ылары ситистилэр «Байанай» хамаанда уонна нэһилиэк кадровай булчута Тимофеев Петр Христофорович оҕолоро олохтообут анал бирииһинэн, грамотанан наҕараадаланнылар. Маны таһынан күрэх кыттыылаахтарыгар нэһилиэк кадровай булчуттара олохтообут анал бириистэрэ туттарылыннылар. Ол курдук Иванов Иван Михайловичка кадровай булчут Татаринов Гаврил Николаевич оҕолоро, сиэннэрэ олохтообут анал бирииһэ, Егоров Леонид Сергеевичка нэһилиэк кадровай булчута Петухов Петр Дмитриевич оҕолоро, сиэннэрэ туруорбут анал бирииһэ, Васильев Михаил Васильевичка кадровай булчут Барахсин Николай Михайлович анал бирииһэ, Алексеев Сергей Ивановичка нэһилиэк булчута Новоприезжий Устин Михайлович аатынан анал бирииһи туттарда уола Новоприезжий Василий Устинович, МР сааны ыһыы таҥыы түһүмэҕэр кыттыбыт уолаттарга кадровай булчут Петухов Дмитрий Дмитриевич дьиэ-кэргэнэ олохтообут анал бириистэрэ туттарылыннылар. Күрэхтэһииттэн астынан, бары илии тутуурдаах, өттүк харалаах, түмүккэ уопсай хаартыскаҕа түһүүнэн дьоро күн тумуктэннэ.
