Муус устар 12 күнүгэр Мындааба сынньалаҥ киинигэр Улуу Кыайыы 80, Мүрү нэһилиэгэ тэриллибитэ 65 сылларыгар анаммыт улуустааҕы «Алаас ырыата» күрэх тэрилиннэ. Биһиги нэһилиэктэн «Түмсүү» сынньалаҥ киин үлэһиттэрэ Иван Сухонин, Андрей Макаров, Василий Копырин, ТСТ Бороҕон нэһилиэгин солбуйар баһылыга Марсен Протопопов кытыннылар. Күрэскэ уопсайа 7 нэһилиэктэн 19 ырыаһыт кыттыыны ылла. Балаһыанньа быһыытынан күрэх кыттыылаахтара иккилии ырыаны толордулар: байыаннай-патриотическай уонна көҥүл тиэмэ. Дьүүллүүр сүбэ Дмитрий Бурнашев, Владилена Колесова, Елена Жиганюк үлэлээтилэр. Көрүү түмүгүнэн 2 ст лауреат Марсен Протопопов, 3 ст. дипломант Иван Сухонин, «Көрөөччү биһирэбилэ» анал аат Андрей Макаров буоланнар грамотанан, сертификатынан наҕараадаланнылар.
