Сэтинньи ый 14 күнүгэр Олоҥхо дьиэтигэр Олоҥхо уонна Хомус декадатын үөрүүлээх аһыллыыта, Улуу Кыайыы 80 сылынан Аҕа дойду сэриитин кыттыылааҕа, 2 сулус орден кавалера, олоҥхоһут Лаврентий Петрович Новогодин аатынан улуустааҕы «Дьиэрэй» фольклорнай күрэх ыытылынна. Тэрээһиҥҥэ Улуус баһылыга Василий Петрович Алексеев Олоҥхо уонна Хомус декадатынан эҕэрдэлээтэ. Күрэх уопсайа 4 көрүҥҥэ ыытылынна, ол курдук: дэгэрэҥ уонна норуот ырыата, чабырҕах, тойук, төрүт дорҕоон көрүҥнэргэ биирдиилээн уонна бөлөҕүнэн толорууга ыытылынна. Күрэҕи дьүүллээтилэр Уус-Алдан улууһун культураҕа управлениятын информационнай — методическай киин сүрүннүүр специалиһа А. Е. Лугинова, В. Д. Лонгинов аатынан норуот айымньытын дьиэтин директора А. А. Находкин, Уһун-Күөл оскуолатын музыкаҕа учуутала А. Никитин. Биһиги нэһилиэктэн тойук көрүҥэр «Тэтим» фольклорнай бөлөх кыттыыны ыллылар салайааччы Т. Г. Габышева. Көрүү түмүгүнэн 2 миэстэни ылары ситистилэр, грамотанан, өйдөбүнньүк бэлэҕинэн наҕараадаланнылар.
