Бэҕэһээ, муус устар 23 күнүгэр Бороҕоҥҥо, В.В.Никифоров — Күлүмнүүр аатынан ”Тойон Мүрү” култуура дыбарыаһыгар «ЭЙЭЭР, ДЬИЭРЭЙ, БАЙААНЫМ!» улуус баянистарын туһунан кинигэ тахсыытыгар аналлаах акция — концерт тэрилиннэ. Биһиги нэһилиэктэн баянистар Анатолий Габышев, Альберт Васильев, сыана ветераннара Анна Алексеева, Александр Сухонин кыттыыны ыллылар. Байаан алыптаах дьүрүскэнин дьоро түһүлгэтигэр Тумултан, Тулунаттан, Уус-Күөлтэн, Кэптэниттэн, Чараҥтан, Майаҕастан, Бороҕонтон, Мындаабаттан баянистар, ырыаһыттар уонна Бороҕоннооҕу оҕо искусствотын иитиллээччилэрэ, выпускниктара кытыннылар. Тэрээһиҥҥэ киирбит үп улуус баянистарын туһунан кинигэ тахсыытыгар туһуланыа. Байааммыт алыптаах дорҕооно кэрэҕэ-сырдыкка ыҥыра туруохтун.
