Ыам ыйын 9 күнүгэр Бороҕон нэһилиэгин Арыы-Тиит уч. олохтоохторо Улуу Кыайыы 80 сылын көрүстүлэр. Тэрээһиҥҥэ Улуу Кыайыы күнүн уруйдаан парадтаан, бырааһынньыкка мустубут олохтоохтору оскуола-саад улэһиттэрэ, үөрэнээччитэ уонна сынньалаҥ киин үлэһиттэрэ эҕэрдэлээтилэр. Кыайыы күнүгэр аналлаах викторина тэрилиннэ, көрүү түмүгүнэн Галина Гаврильевна Оллонова уонна Михаил Михайлович Охлопков кыайыылаах тахсаннар сэмэй бэлэҕинэн наҕараадаланнылар. Арыы-Тиит «Хатыҥнаах» түөлбэ кырдьаҕас сэрии оҕотугар Дария Антоновна Поповаҕа сэмэй бэлэхтэрин туттардылар. «Единая Россия» партия өр сылларга Арыы-Тиит торговай базатыгар үлэлээбит үлэһиттэргэ Роман Никитич Кылаевка уонна Семен Семенович Копыриҥҥа үөрүүлээх күнүнэн эҕэрдэ сурук, өйдөбүнньүк бэлэх туттардылар.
Арыы-Тиит олохтоохторо Улуу Кыайыы өрөгөйдөөх 80 сылын үөрэ-көтө көрүстүлэр, тэрийээччилэргэ махтал тылларын эттилэр.
