Кулун тутар 24 күнүгэр «Түмсүү» норуот айымньытын киинигэр Уус-Алдан улууһа төрүттэммитэ 100 сылын көрсө «Үүнэр сайдар мин дойдум» Уус-Алдан улууһун нэһилиэктэрин икки ардыларыгар уус-уран самодеятельность көрүү бэстибээлэ ыытылынна. Бэстибээли дьүүллээтилэр Никифоров Күлүмнүүр аатынан «Тойон Мүрү» култуура дыбарыаһын режиссера, дьүүллүүр сүбэ бэрэссэдээтэлэ Бурцев Александр Николаевич, Никифоров Күлүмнүүр аатынан «Тойон Мүрү» култуура дыбарыаһын культорганизатора Варламова Валентина Романовна, Олоҥхо дьиэтэ этнокультурнай киин салайааччыта Аргунов Айаал Гаврильевич. Бэстибээл бастакы үйэ чиэппэрэ кэрдиис кэмнэрин, 1930-1952 сыллары хабан нэһилиэк историятын уонна сайдыытын көрдөрөр театрализованнай дьүһүйүү көрдөрүлүннэ. Уопсайа 105 киһини хабан нэһилиэк историятын сырдатан, буолбут чахчылары дьүһүйүүнэн көрдөрөн итэҕэтиилээхтик оонньоотулар, көрөөччү биһирэбилин ыллылар. Түмүккэ көрүү кэннэ дьүүллүүр сүбэ быһаарыытынан 10 баалтан 9,0875 баалы ылан, улуус улахан нэһилиэктэрин икки ардыгар 1 миэстэни ылары ситистилэр. Түгэнинэн туһанан кыттыбыт нэһилиэк олохтоохторугар «Түмсүү» норуот айымньытын киинин аатыттан улахан махталбытын тиэрдэбит. Куруутун бу курдук түмсүүлээх буолуохха, чэгиэн-чэбдик доруобуйаны, үлэҕитигэр үрдүк ситиһиилэри баҕарабыт.
