Ыам ыйын 1 күнүгэр Үлэ, Эйэ, Маай бырааһынньыгар нэһилиэк тэрилтэлэрин үлэһиттэрэ, түөлбэ олохтоохторо, оскуола оҕолорун күүһүнэн субуотунньук тэрилиннэ. Ол курдук «Эрэл» түөлбэ салайааччы Петухова Прасковья Михайловна , «Үрдэл» түөлбэ салайааччы Винокурова Мария Петровна, «Дьулуур» түөлбэ-салайааччы Капитонова Наталья Петровна олорор түөлбэлэрин хомунан бары күргүөмүнэн сынньалаҥ пааркатыгар тиийэн ырааһырдыы үлэтин ыыттылар. Түөлбэлэр ыраастаналларыгар, сыһыарыллыбыт территория аайы солбуйар баһылык Протопопов Марсен Семенович салалталаах трактористар Алексеев Гаврил Гаврильевич, Алексеев Сергей Иванович тута тиэйэн истилэр. Үлэ дьонугар анаан «Түмсүү» норуот айымнытын киинин үлэһиттэрэ Васильева Мария Николаевна, Макаров Андрей Алексеевич итии миининэн, сылаас чэйинэн күндүлээтилэр. Бырааһынньык күн араас күрэхтэр тэрилиннилэр. Ол курдук сымыыт харсыһыннарыыта күрэх бэрт элбэх киһини хабан интэриэһинэйдик ааста, кыайыылааҕынан Ксенофонтова Татьяна Пантелеймоновна таҕыста уонна олохтоох дьаһалта туруорбут 1 лоток сымыытынан наҕараадаланна. Маны таһынан Шепелев Трофим Трофимович көҕүлээһининэн бастакытын плов астааһыҥҥа күрэх тэрилиннэ. Минньигэс плов буһарыытын күрэҕэр Алексеев Владимир Васильевич, Габышев Афанасий Афанасьевич хамаандата, Шепелев Трофим Трофимович, Алексеев Иван Михайлович хамаандалара кыттыыны ыллылар. Күрэҕи дьүүллээтилэр оскуола, детсад повардара Алексеева Галина Гаврильевна, Капитонова Наталья Петровна. Көрүү түмүгүнэн 1 миэстэни ыллылар Алексеев В. В. Габышев А. А. бирииһи олохтоото мебельнэй маҕаһыын хаһаайына Бурцев Николай Гаврильевич. Күүстээх үлэ кэннэ тоҕуоруһа мустубут нэһилиэк үлэһит дьоно үөрэ-көтө минньигэс плову амсайдылар. Төрөөбүт төрүт түөлбэбит ыраас буоларын туһугар бука — бары кыһаллыахха, үлэлиэххэ-хамсыахха, нэһилиэкпит куруутун ыраас, тупсаҕай көстүүлээх буолуохтун!
