Ыам ыйын 9 күнүгэр ТСТ Бороҕон нэһилиэгэр Улуу Кыайыы өрөгөйдөөх 81 сылын көрүстүбүт. Бырааһынньыктааҕы тэрээһин Кыайыы парадыттан саҕаланна, кыттыыны ыллылар «Аал уот» аҕам саастаахтар түмсүүлэрэ, «Көмүлүөк» үһүс саас оскуолата, олохтоох дьаһалта, «Тумулчаана» оҕо саада, В. М. Прокопьев аатынан Тумул орто оскуолата, интернат, балыыһа, ветеринария, почта, «Түмсүү» с/к, ЖКХ, түөлбэ олохтоохторо, техникалар киэргэнэн «Өлбөт үйэлээх полк» сэрии ветераннарын мөссүөннэрин тутан, «Ураа» хаһыынан хаамтыбыт. Митинг Улуу Кыайыы Знамятын киллэрииттэн саҕаланна. Знамяны киллэрдилэр «Сокол» байыаннай-патриотическай этэрээт иитиллээччилэрэ. Үөрүүлээх тэрээһиҥҥэ Бороҕон нэһилиэгин баһылыгын эбээһинэһин толорооччу Копырин К. М, эҕэрдэ тыла, сэрии кэмин оҕолоругар Протопопова З. И., Барашкова Р. Т., Чичигинаров Ю. П. нэһилиэк тэрилтэлэрэ, дьаһалта олохтообут аһынан бэлэхтэрин, эҕэрдэ суругу туттарда, анал байыаннай дьайыы кыттыылаахтарыгар, төрөппүттэригэр дьаһалта аатыттан эҕэрдэ суруктары, аһынан бэлэхтэри туттардылар. СР Судаарыстыбаннай Мунньаҕын Ил Түмэн председателин Махтал суругунан олохтоох модельнай библиотека сэбиэдиссэйэ Прудецкая С. А., Ил Түмэн Бочуотунай грамотатынан оскуола директоры үөрэх чааһын солбуйааччы Алексеева А. Р., ТСТ дьаһалта солбуйар баһылыга Протопопов М.С. наҕараадаланнылар. СР бэйэни салайыныы сэбиэтин председателин Махтал суругунан ТСТ дьаһалтатын специалиһа Прудецкий Ф. В., уонна оскуола саха тылын учуутала Барашкова Нь. К. «Бороҕон нэһилиэгин социальнай-экономическай сайдыытыгар кылаатын иһин» бэлиэнэн наҕараадаланнылар.
Сэрии, тыыл ветераннарын кэриэстээн өйдөбүнньүк веногу сэрии ветераннарын оҕолоро Барашков И. И., Васильев Ю. П., Новоприезжий И. И., уонна «Аал уот» аҕам саастаахтар түмсүүлэрин салайааччыта Черкашин П. Е. киллэрдилэр. Ол кэннэ биир мүнүүтэлээх тохтобул биллэрилиннэ. Улуу Кыайыы 81 сылынан эҕэрдэлээтилэр «Аал уот» аҕам саастаахтар түмсүүлэрин салайааччыта Черкашин П. Е., сэрии кэмин оҕолорун аатыттан Протопопова З. И., В. М. Прокопьев аатынан Тумул орто оскуолатын аатыттан харда тылы тиэртэ 8 кылаас үөрэнээччитэ Егоров Арылхан. Митиҥҥэ эҕэрдэ ырыалар, үҥкүүлэр толорулуннулар. Тэрээһин «Тумулчаана» оҕо саадын иитиллээччитэ Сева Макаров «Россия» ырыатынан, Иннокентий Артомонов «Кыайыы салюта» хоһоону күргүөмүнэн ааҕыынан түмүктэннэ. Митиҥҥэ кэлбит дьону оскуола повардара Андросова А. М. Капитонова Н. П. минньигэс хааһынан күндүлээтилэр. Салгыы киин уулуссаҕа Кыайыы эстафетата түөлбэлэр икки ардыларыгар бэрт көхтөөхтүк ыытыллан, 1 миэстэни «Дьулуур» түөлбэ сал. Капитонова Н. С., 2 миэстэни ыллылар «Үрдэл» түөлбэ салайааччыта Винокурова М. П., 3 миэстэ «Эрэл» түөлбэ салайааччыта Петухова П. М. Эстафета кэнниттэн салгыы спорт саалаҕа тиийэн дартс, салгын саанан ытыы күрэҕэ тэрилиннэ. Дартска 1 м — «Үрдэл», 2 м — «Дьулуур», 3 м «Эрэл». Салгын саанан ытыыга 1 м «Үрдэл», 2 м «Эрэл», 3 м «Дьулуур». Икки күн түмүгүнэн уопсай түмүккэ 1 миэстэ «Дьулуур» түөлбэ, 2 миэстэ «Үрдэл» түөлбэ, 3 миэстэ «Эрэл» түөлбэ. Ким да умнуллубат, туох да умнуллубат!
