Ыам ыйын 22 күнүгэр «Түмсүү» с/к В. М. Прокопьев аатынан Тумул орто оскуолатын выпускниктарын олох киэҥ аартыгар атаарар «Тиһэх чуораан» бырааһынньыга ыытылынна. Оскуоланы 5 оҕо ситиһиилээхтик бүтэрдилэр. Ол курдук бааллар үөрэх бастыҥнара, олимпиадалар, научнай-практическай конференциялар кыайыылаахтара, призердара, кэскиллээх спортсменнар, художественнай самодеятельность активнай кыттыылаахтара. Оскуола выпускниктарын эҕэрдэлээтэ, государственнай экзамеҥҥа киллэрии туһунан прикаһы кытта билиһиннэрдэ оскуола директора К. М. Копырин, нэһилиэк аҕа баһылыга В. П. Алексеев, директоры иитэр-үөрэтэр чаас солбуйааччыта Алексеева Анна Романовна. Уус-Алдан улууһун үөрэҕириитин аатыттан социальнай психолог специалиһа А. И. Охлопкова . Уус-Алдан улууһа аатыттан капитальнай тутуу уонна архитектура начальнига В. Р. Винокуров. Оскуоланы бүтэрэр выпускниктарбытыгар баҕарабыт биир кэлим экзаменнаргытын ситиһиилээхтик туттаран талан ылбыт үөрэххитигэр туттарсар киирэргитигэр.
