Алтынньы ый 10 күнүгэр «Түмсүү» норуот айымньытын киинигэр 73-с төгүлүн ыытыллар үгэскэ кубулуйбут «Кулууп уота угуйар» сезон аһыллыытын дьоро киэһэтэ тэрилиннэ. Кэнсиэргэ кыттыыны ыллылар нэһилиэк уус-уран самодеятельность кыттыылаахтара. Ол курдук: «Чөмчүүнэ» орто көлүөнэ, «Дьиэрэҥкэй» ыччат үҥкүү ансаамбыллара, салайааччы Барашкова В.Н., «Күндээр» оҕо үҥкүү ансаамбыла, салайааччы Иванова Е. Д. «Туйма» эр дьон ырыа ансааамбыла, сал. Сухонин И.А. «Күөрэгэй» оҕо ырыа ансаамбыла,сал.Слепцова И.П. «Бэтэкэй бэтиэкэлэрэ» көр-күлүү бөлөҕө көрдөөх-нардаах сыанкалара,салайааччы Сухонина А.Е, «Тэтим» хомусчуттар бөлөхтөрө, салайааччы Габышева Т.Г. Кэнсиэри иилээн-саҕалаан ыыттылар Тумул орто оскуолатын 10 кылааһын үөрэнээччилэрэ Айыына Никифорова, Вальдемар Алексеев. Тэрээһиҥҥэ ылбаҕай ырыалар ылланнылар, көрөөччүлэргэ анаан оонньуулар оонньоннулар. Сэргэх, сонун киэһэни көрөөччүлэр сэргээтилэр, ытыстарын тыаһын бэлэхтээтилэр. Кулууп уота үгүс көрөөччүнү угуйа-ыҥыра туруохтун.
