Кулун тутар 27күнүгэр «Айыллан» норуот тыйаатыра «Саха» Национальнай көрдөрөр-иһитиннэрэр хампаанньаҕа ыалдьыттаата. Быйыл республикаҕа культура сылын чэрчитинэн, республика норуот тыйаатырдарын күннэринэн аттаран спектакль уһуллуутугар Уус-Алдантан «Айыллан» норуот тыйаатыра ыҥырыллан, Н. В. Гоголь «Кэргэн кэпсэтии» комедияттан быһа тардыыны көрдөрдүлэр. Туруорааччы режиссер Андрей Макаров, оруолларга «Айыллан» норуот тыйаатырын артыыстара итэҕэтиилээхтик оонньоотулар. Республика араас улууһуттан уһуллубут норуот тыйаатырдарын айымньылара муус устар 6 күнүттэн НВК каналга көстөрө былааннанар. «Айыллан» тыйаатыр артыыстара комедия НВК каналыгар тахсарын долгуйа күүтэллэр.
