Муус устар 21 күнүгэр Мындааба сынньалаҥ киинигэр үһүс сылын ыытыллар «Алаас ырыата» күрэх тэрилиннэ. Күрэххэ улууспут талааннаах ырыаһыттара уопсайа 16 кыттааччы кытынна. Биһиги нэһилиэктэн Иван Сухонин, Андрей Макаров, Лилиана Петухова, Тимур Корякин кыттыыны ыллылар. Көрүү түмүгүнэн күрэх муҥутуур кыайыылааҕа Тимур Корякин, Андрей Макаров III степеннээх дипломант, Иван Сухонин «Бастыҥ патриотическай ырыа» анал аат, Лилиана Петухова «Эдэр кэскиллээх ырыаһыт» анал аат хаһаайыттара буоллулар, грамотанан, сыаналаах бирииһинэн наҕараадаланнылар. Күрэхтэн астынан, үөрэн-көтөн, ситиһии көтөллөнөн кэллилэр.
