Сэтинньи 4 күнүгэр Арыы-Тиит учаастагар Сомоҕолоһуу күнүгэр анаммыт тэрээһин ыытылынна. Бу тэрээһиҥҥэ Кытай уонна Монголия туһунан чахчылары Алексеева Любовь Гаврильевна иһитиннэрдэ. Быйыл күһүн Кытайга баран күүлэйдээн элбэҕи билэн-көрөн кэлбит биир дойдулаахпыт Оллонова Галина Гаврильевна «Улуу Кытайга айан» диэн презентациялаах олус үчүгэй бэсиэдэ оҥордо. Ону таһынан дьиэ кэргэнинэн бука бары соторутааҕыта эрэ Монголияҕа баран күүлэйдээн, сынньанан кэлбит Охлопковтар дьиэ-кэргэн Күн күбэй ийэлэрэ Евгения Андреевна «Монголия кэрэ дойду» диэн презентациятынан олус интэриэһинэй иһитиннэрии оҥордо. Тэрээһинтэн астынан, элбэҕи билэн-көрөн, Кытай уонна Монголия ураты амтаннаах чэйдэрин амсайан ирэ-хоро кэпсэтэн эҕэрдэ нүөмэрдэри көрөн-истэн астына дуоһуйдулар.
