Олунньу 23 күнүгэр И. А. Халдеев аатынан спорт саалаҕа Аҕа дойдуну көмүскээччилэр күннэригэр аналлаах «Уол оҕо-эрэлбит, эр киһи-кэскилбит» диэн нэһилиэк түөлбэлэрин күүстээх аҥардарын икки ардыгар күрэх тэрилиннэ. Тэрээһин Бороҕон нэһилиэгин солбуйар баһылыгын Протопопов М. С. эҕэрдэтиттэн саҕаланна. Бырааһынньыктааҕы ырыатын бэлэхтээтэ Лилиана Петухова, дуэтнай үҥкүүнэн киэргэттилэр Виолетта Петухова, Намныына Попова. «Күрэххэ «Дьулуур» түөлбэ, салайааччы Капитонова Н. П., «Эрэл» түөлбэ, салайааччы Петухова П. М, «Үрдэл» түөлбэ салаайааччы Винокурова М. П. кыттыыны ыллылар. Күүстээх аҥардар 5 түһүмэххэ илин-кэлин түһүстүлэр. Күрэҕи дьүүллээтилэр спорт инструктор Габышев А. А., Протопопов М. С. Макаров А. А. Күрэх түмүгүнэн 1 миэстэ «Дьулуур» түөлбэ, 2 миэстэ «Эрэл» түөлбэ, 3 миэстэ «Үрдэл» түөлбэ. Кыттааччылар грамотанан, мэтээлинэн наҕараадаланнылар. Тэрээһин уопсай хаартыскаҕа түһүүнэн түмүктэннэ. Чөл, доруобай буолуу-олох төрдө!
