Сэтинньи ый 27 күнүгэр Арыы-Тиит сынньалаҥ киинигэр «Идэһэ-дьиэ-кэргэн бырааһынньыга» диэн тэрээһин ыытылынна. Тэрээһиҥҥэ сэтинньи ый Идэһэ ыйа диэн идэһэ өлөрүүтүгэр туттуллар сиэри-туому, хаамыытын сырдатта Алексеева Л. Г. Саханы саха оҥорбут төрүт дьарыкпыт ынах, сылгы иитиитигэр викторина ыытылынна. Кэлбит ыалдьыттарга ылбаҕай ырыатынан сынньалаҥ киин салайааччыта Попова Д. М. эҕэрдэлээтэ. Чаҥкычах киһи этигэр-сиинигэр иҥэмтиэтин, хайдах сөпкө астаан бэлэмнээтэххэ доруобуйаҕа туһатын туһунан интэриэһинэй иһитиннэриини оҥордо Заровняева Л. П. Ол кэннэ атыы-тутуу дьаарбаҥката ыытылынна, дьон идэһэлэриттэн астаан аҕалбыт саха төрүт аһа-үөлэ хамаҕатык атыыланна, ырыа-тойук ылланна.
