Сэтинньи 7 күнүгэр саҥа үлэҕэ киирбит И. А. Халдеев аатынан спортзалга Ил, Эйэ, Сомоҕолоһуу, Улуу Өктөөп 108 сылын бырааһынньыктарын чэрчитинэн нэһилиэк тэрилтэлэрин икки ардыларыгар спортивнай күрэх тэрилиннэ. Күрэххэ олохтоох дьаһалта аатыттан «Сомоҕолоһуу», В. М. Прокопьев аатынан «Динамит», ЖКХ, балыыһа, почта «Дохсун», «Тумулчаана» оҕо саада «Тумулчаана», Элэһин «Сыҥаах Амыыкаан сиэннэрэ», «Түмсүү» норуот айымньытын киинэ «Тумсуу» хамаандалара кыттыыны ыллылар. Күрэх саҕаланыан иннинэ Элэһин кулуубун сэбиэдиссэйэ Ион Соловьев ырыата, «Күндээр» үҥкүү оҕо ансаамбылын эҕэрдэ үҥкүүлэрэ көрөөччүлэргэ, кыттааччыларга бэлэх буолан толорулунна. Күрэх кыттааччылар парадтаан киириилэринэн саҕаланна, ол кэннэ жеревий быһыытынан көрдөөх эстафета тэрилиннэ. Көрдөөх эстафета 5 түһүмэҕинэн ыытылынна: 1. ложкаҕа теннис мээчигин ууран сүүрүү 2. Мэһэйдээх сири туорааһын 3. Баскетбол мээчигин атахха кыбытан ыстаныы 4. Мэһэйдээх сиринэн баскетбол мээчигин тэйитэн барыы. 5. Сүүрэн кэлэн тоһоҕону саайыы түһүмэхтэргэ илин-кэлин түһүстүлэр. Эстафета кэннэ хамаандаларынан түргэн-волейбол күрэҕэ ыытылынна. Тэрээһини иилээн-саҕалаан ыытта «Түмсүү» НАК директора Сухонина А. Е. Икки көрүҥ түмүгүнэн кыайыылааҕынан таҕыста «Түмсүү» сынньалаҥ киин хамаандата, 2 миэстэ Элэһин хамаандата, 3 миэстэ «Тумулчаана» оҕо саадын коллектива буоллулар. Кыайыылаах хамаандалар мэтээлинэн, грамотанан наҕараадаланнылар. Тэрээһин уопсай хаартыскаҕа түһүүнэн түмүктэннэ. Саҥа эти-хааны чэбдигирдэр саалабыт чөл олоххо ыҥыра-угуйа туруохтун, элбэх күрэхтэргэ ситиһиилэр сиэттиһэн кэлэн истиннэр.
