«Түмсүү» норуот айымньытын киинигэр күн күбэй ийэлэргэ, эйэҕэс эбээлэргэ анаан республикаҕа Ийэ күнүн декадатын чэрчитинэн маастар кылаастар тэрилиннилэр. Алтынньы 22 күнүгэр «Чэгиэн-чэбдик буолуу-кэрэ сэбэрэ кистэлэҥэ» диэн эти-сиини чэбдигирдэр МК буолла. Ол курдук сирэй ыраастааһына, массаж маастар кылааһын ыыттылар Стрекаловская С. И., Прудецкая С. А., кедровай настойка оҥоруутун көрдөрдө Черкашин П. Е., тобук ыарыытын, селедка тириитинэн угуттааһын маастар кылааһын көрдөрдө Черкашина И. И., уопсай массааһы оҥордулар Габышева Г. П., Петухова Н. С., баанка туруоруутугар Новоприезжая Т. У., эти-сиини чэбдигирдэр гимнастиканы көрдөрдө Заровняева В. В. Саха сиэрин-туомун өбүгэ үөрэҕин тарҕатааччы, үөрэтээччи Григорий Егорович Николаев үөрэппит үөрэҕин нэһилиэнньэ олохтоохторугар үөрэммит үөрэнээччилэрэ кэпсээн, бэйэлэрэ сатыылларынан тутан-хабан маастар кылаастары ыыттылар.
Алтынньы 24 күнүгэр күн күбэй Ийэлэрбитин, эйэҕэс эбээлэрбитин Республикаҕа Ийэ декадатыгар кэрэ аҥардарга оҕуруонан ытарҕа, моойго кэтэр киэргэл оҥоруутугар маастар кылаас тэрилиннэ. Маастар кылааһы ыытта Ирина Петровна Слепцова. Ирина Петровна оҕуруонан дьарыктанан араас элбэх кэрэ оҥоһуктардаах, эдэр ийэ, оскуола музыкаҕа учуутала. Маастар кылаас кыттыылаахтара бэйэлэригэр наһаа үчүгэй киэргэллэри хайдах оҥорорго үөрэннилэр, бэйэлэригэр талан сөптөөх киэргэл оҥостон үөрэн-көтөн дуоһуйан саҥа ньыманы баһылаатылар.
