Ыам ыйын 8 күнүгэр Элэһин учаастагар Улуу Кыайыы 81 сылын көрсө Хардыыга тахсан субуотунньук тэрийдилэр. Бу күн хорсун буойуннарга анаммыт пааматынньыгы сүүрэн-көтөн, проектаан туттарбыт Алексеев Михаил Гаврильевич оҕолоро, сиэннэрэ, кийииттэрэ аҕаларын, эһэлэрин аатын ааттаан өйдөбүнньүк мемориальнай дуосканы туруоран сырдык мөссүөнүн үйэтиттилэр. Маны сэргэ Улуу Кыайыы 81 сылыгар сэрии толоонугар охтубут, тыыннарын толук уурбут биир дойдулаахтарыгар кэриэстэбил венога уурулунна. Ким да умнуллубат, туох да умнуллубат!
