Ыам ыйын 1 күнүгэр «Түмсүү» норуот айымньытын киинигэр Үлэ, Эйэ, Маай бырааһынньыгар уонна Аан дойдутааҕы үҥкүү күнүгэр аналлаах үгэс быһыытынан ыытыллар «Үҥкүү алыбар уйдаран» дьоро үҥкүү түһүлгэтэ тэрилиннэ, бука-бары көрөөччүлэри Үлэ,Эйэ ,Маай бырааһынньыгынан солбуйар баһылык М.С.Протопопов эҕэрдэлээтэ, «Плов күрэ5э» кыттааччыларыгар бириистэри туттарда. Тэрээһин дьиэ-кэргэнинэн дуэтнай үҥкүүлэргэ күрэх быһыытынан ыытыллынна, кыттыыны ыллылар Лена Алексеева сиэнинээн Леналыын, Дария Барашкова кыыһынаан Викалыын, Лилиана Петухова балтытынаан Виолетталыын, Наталья Капитонова кыыһынаан Ремалыын, Андрей Макаров кыыһынаан Саюлиналыын. Күрэҕи дьүүллээтилэр Уус-Алдан улууһун культураҕа салалтатын солбуйааччы Новоприезжий Сулустаан Анатольевич, Бороҕон нэһилиэгин баһылыгын солбуйааччыта Протопопов Марсен Семенович, Тумул орто оскуолатын иитэр-үөрэтэр үлэ салайааччыта Слепцова Ирина Петровна. Балаһыанньа быһыытынан 2 үҥкүүнү көрөөччү дьүүлүгэр таһаардылар, ол курдук сахалыы уонна талан ылбыт үҥкүүлэрэ. Көрүү түмүгүнэн «Көрөөччү биһирэбилэ» анал аат Дария Габышева кыыһынаан Викалыын, «Бастыҥ сахалыы үҥкүү» анал аат Андрей Макаров кыыһынаан Саюлиналыын, «Кэрэ көстүү» Наталья Капитонова кыыһынаан Ремалыын, «Ситимнээх толоруу» анал аат Лена Алексеева сиэнинээн Леналыын, Кылаан чыпчаал Лилиана Петухова балтытынаан Виолетталыын буолары ситистилэр. Кыттааччыларга өйдөбүнньүк мэтээллэр, кыайыылаахха анал бэлиэ туттарылынна, ону сэргэ тэрилтэлэр, бииргэ үөрэнэр оҕолоро бэйэлэрин бэлэхтэрин туттардылар. Үҥкүү киэһэтигэр бииртэн биир чаҕылхай, сонун үҥкүүлэр туруоруллан, көрөөччүлэр үҥкүү бырааһынньыгыттан астынан, дуоһуйан ытыстарын тыаһын бэлэхтээтилэр.
