Саха Сирин Ил Дарханын уурааҕынан «Оһуохай күнэ» биллэриллэн ыам ыйын 24-25 күннэригэр Бороҕон нэһилиэгэр «Добун оһуохай» ыытылынна. В.М. Прокопьев аатынан Тумул орто оскуолатын үөрэнээччилэригэр, «Тиһэх чуораан» тэрээһин кэнниттэн оскуоланы бүтэрээччилэр оһуохай түһүлгэтин тэрийдилэр. Оһуохайы таһаардылар оскуола выпускницата Ариана Андреева, төрөппүт Габышева Т. Г., Саха республикатын «Дархан этэччи» анал аат хаһаайката, ветеран учуутал Протопопова З. И, оскуола учуутала, олохтоох музей салайааччыта Сокольникова А. С. Ыам ыйын 25 күнүгэр «Түмсүү» сынньалаҥ киинигэр Саха өрөспүүбүлүкэтигэр ырыа күнүгэр аналлаах «Ырыа-олох аргыһа» кэнсиэр кэнниттэн нэһилиэнньэҕэ анаан оһуохай түһүлгэтэ олохтонно. Оһуохайы таһаардылар «Түмсүү» сынньалаҥ киин специалиһа Габышева Т. Г., Саха республикатын «Дархан этэччи» анал аат хаһаайката, ветеран учуутал Протопопова З. И. Уопсайа нэһилиэккэ оһуохай түһүлгэтигэр 169 киһи кыттыыны ылла. Добун оһуохайбыт үйэлэргэ дуораһыйа туруохтун.
