Сэтинньи 5 күнүгэр «Түмсүү» сынньалаҥ киинигэр Саха сирин бастакы Президенэ М.Е.Николаев көҕүлээһининэн «Рисуем все» республиканскай проект чэрчитинэн, Уус-Алдан улууһугар көһө сылдьар кубок эстафетатын делегацията биһиги нэһилиэккэ ыалдьыттаата. «Рисуем все» проект кубогын ыаллыы сытар Суотту нэһилиэгин делегацията, баһылык солбуйааччыта Ксенофонтов С.И. салайааччылаах кэлэн туттардылар. Бороҕон нэһилиэгин уруһуйдьуттарын улахан быыстапката тэрилиннэ. Быыстапкаҕа талааннаах уруһуйдьуттар Алексеев И.И, Охлопков А.М. Саха сирин биллэр худуоһунньуга И.Г. Избеков, ону таьынан оскуола араас кэмнэрдээҕи үөрэнээччилэрин үлэлэрэ көрдөрүүгэ турда. Быыстапканы сиһилии кэпсээн сырдатта Сокольникова А.С. Бу дьоро күн оҕолорго, нэһилиэк олохтоохторугар анаан араас маастар кылаастар ыытылыннылар. Ол курдук полиротанг материалтан кашпо өрүүтүгэр маастар кылааһы ыытта Барашкова Л. С., уруһуй маастар кылааһын Тумул орто оскуолатын уруһуй уонна черчение учуутала Алексеева Л. П., кылынынан 8 утаҕынан тымырдаайы өрүүтүгэр Стрекаловская С. И. оҕуруо тиһиитигэр Аргунова С. М. тэрийэн ыыттылар. Тэрээһин үрдүк таһымҥа, элбэх дьону хабан ыытылынна.
