Алтынньы 10 күнүгэр «Түмсүү» сынньалаҥ киинигэр «Сырдыкка, үтүөҕэ уһуйбут дьоһун олох» кинигэ сүрэхтэниитэ тэрилиннэ. Бороҕон нэһилиэгэр үгүс элбэх көлүөнэ ыччаты үөрэххэ, билиигэ уһуйбут, Бороҕон нэһилиэгин Бочуоттаах олохтоохторо, тыыл, педагогическай улэ ветераннара Александра Ивановна, Александр Семёнович Бурцевтар сырдык ааттарын уйэтитэн «Сырдыкка, үтүөҕэ уһуйбут дьоһун олох» кинигэни оҕолоро, кэнчээри ыччаттара, бииргэ алтыьан улэлээбит уелээннээхтэриттэн, бэтэрээн учууталлартан, үөрэнээччилэриттэн, аймах-билэ дьонноруттан ахтыылары хомуйан, бу үйэлээх кинигэни таһаартардылар. Кинигэ сүрэхтэниитин салайан ыыттылар А. Р. Халдеева аатынан модельнай сельскай библиотека сэбиэдиссэйэ С. А. Прудецкая, Суотту модельнай библиотекатын сэбиэдиссэйэ Р. Н. Черкашина. «Учуутал, эн үрдүк ааккар» быыстапкаҕа Тумул орто оскуолатын, нэһилиэк музейын, библиотекатын уонна Бурцевтар дьиэ-кэргэн тус архивтарыттан матырыйааллар турдулар. Быыстапканы туруордулар, библиотекардар: Стрекаловская С. И., Прудецкая С. А. Талба талааннаах, уран тарбахтаах, иис дьарыктаах Александра Ивановна уустаан-ураннаан тикпит таҥастарын быыстапкатын туруорда кыыһа С. А. Прудецкая. Быыстапканы көрдөрүүгэ кыттыыны ыллылар, Тумул орто оскуолатын үөрэнээччилэрэ, алын сүһүөх кылаас учууталлара, «Аал уот» түмсүү чилиэннэрэ. Музыкальнай эҕэрдэлэрин тиэртилэр, култуура улэһиттэрэ Андрей Макаров, Василий Копырин. Эҕэрдэ тылларын тиэртилэр, нэһилиэк баһылыга В. П. Алексеев, улуустааҕы кииннэммит библиотечнай тиһик директорын Копырин И. Д. эҕэрдэ суругун туттарда- Суотту модельнай библиотека сэбиэдиссэйэ Р. Н. Черкашина. Эҕэрдэлэрин тиэртилэр ыраахтан кэлбит ыалдьыттарбыт РФ, СР үтүөлээх бырааһа, «Гражданскай килбиэн бэлиэ» кавалера, медицина бочуоттаах ветерана Зоя Прокопьевна, СР бочуоттаах тутааччыта, ветерана Вячеслав Михайлович Гороховтар, Уус-Алдан уонна Мүрү нэһилиэгин Бочуоттаах олохтооҕо, үлэ ветерана Матрена Семёновна, Бэрт -Ууһун Бочуоттаах олохтооҕо, спорт, үлэ ветерана Николай Васильевич Москвитиннар, СР доруобуйатын харыстабалын туйгуна, Суотту нэһилиэгин Бочуоттаах олохтооҕо Татьяна Ивановна Тарасова, ветеран учууталлар, тэрилтэ салайааччылара «В. М. Прокопьев» аатынан Тумул орто оскуолата -директора Копырин К. М., «Түмсүү» сынньалаҥ киинин директора Сухонина А. Е., биир дойдулаахтарбыт, нэһилиэкпит олохтоохторо истиҥ иһирэх ахтыылары оҥордулар, ахтан санаан аастылар. Дьоһун дьон олорбут олоҕун оҕолоро, сиэттэрэ, хос сиэттэрэ салҕыыллар, ааттарын ааттаталлар.
