Муус устар 2 күнүгэр «Түмсүү» норуот айымньытын киинигэр VI-с төгүлүн Ксения, Егор Черкашиннар сырдык кэриэстэригэр аһаҕас «Дьээбэ-Хообо» көр-күлүү киэһэтэ тэрилиннэ. Күрэххэ уопсайа 82 кыттааччы, 20 бөлөх Эдьигээнтэн, Үөһэ-Бүлүүттэн, Бүлүүттэн, Үөһээ-Халыматтан, Мэҥэ-Хаҥаластан, Намтан, Сунтаартан, Хаҥаластан, Абыйтан, Уус-Алдантан Баатаҕай, Найахы, Бээди, Сыырдаах нэһилиэктэрэ кыттыыны ыллылар. Дьүүллүүр сүбэҕэ үлэлээтилэр СР Культуратын туйгуна Петр Черкашин, Саха өрөспүүбүлүкэтин суруйааччыларын союһун чилиэнэ, араас Дьээбэрэҥ күрэхтэрин кыайыылааҕа, Иннокентий Попов уонна Хаҥалас улууһуттан «Барҕарыы» культура киинин уус-уран салайааччыта Кондакова Л.М. Күрэх муҥутуур кыайыылааҕынан Уус-Алдантан «Бэтэкэй бэтиэкэлэрэ» көр-күлүү бөлөҕө, салайааччы Анастасия Сухонина, 1 үрдэл Уус-Алдан улууһуттан Найахыттан «Көр-нар» бөлөх, салайааччы Дьулустан Гаврильев, 2 үрдэл Сунтаар улууһуттан «Мэскэйдэр», 3 үрдэл Мэҥэ-Хаҥалас Табаҕа нэһилиэгиттэн «Көр-күл» көр-күлүү бөлөҕө. Маны таһынан күрэх кыттыылаахтарыгар анал ааттар олохтоннулар, өйдөбүнньүк бэлиэлэр, грамота үөрүүлээх-быһыыга майгыга туттарылынна. Күрэх кыайыылаахтарыгар Ксения, Егор Черкашиннар оҕолоро, сиэннэрэ, аймахтара олохтообут уу харчынан бириэмийэ, грамота, Егор, Ксения Черкашиннар мөссүөннээх өйдөбүнньүк бэлиэлэри олохтоотулар. Көр-күлүү киэһэтиттэн кыттааччылар, тэрийээччилэр астынан, дуоһуйан, махтанан, түмүккэ уопсай хаартысканан түһүүнэн тэрээһин түмүктэннэ.
