Алтынньы 17 күнүгэр «Түмсүү» норуот айымньытын киинигэр «Ийэм уонна мин» Ийэ күнүн декадатын чэрчитинэн В.М. Прокопьев аатынан орто оскуола администрациятын көҕүлээһининэн ыытыллыбыт уол ийэтинээн күрэҕэ тэрилиннэ. Бырааһынньыктааҕы тэрээһин Бороҕон нэһилиэгин баһылыгын эбээһинэһин толорооччу Копырин К. М. эҕэрдэтиттэн саҕаланна. Бырааһынньыктааҕы дьоро күҥҥэ анаан оскуола оҕолоро күн күбэй ийэлэргэ, эбээлэргэ анаан киинэ устан бэлэх ууннулар. Күрэххэ кыттыыны ыллылар В. М. Прокопьев аатынан Тумул орто оскуолатын үөрэнээччилэрэ күн күбэй ийэлэринээн, 7 кыл үөрэнээччитэ Новоприезжий Айаал ийэтинээн Надежда Яковлевналыын, 8 кыл үөрэнээччитэ Егоров Арылхан эдьиийинээн Ирина Петровна Слепцовалыын, 10 кыл үөрэнээччитэ Иванов Дьулус ийэтинээн Светлана Ивановналыын. Күрэх кыттааччылара 5 түһүмэххэ илин-кэлин түһүстүлэр, ол курдук: 1 түһүмэх бэйэни билиһиннэрии, 2 түһүмэх Кыайыы 80 сылыгар аналлаах викторина, викторинаны ыытта история, обществознание учуутала Петров Е. Д., 3 түһүмэххэ талаан көрүүтэ, 4 түһүмэх «Ийэ оҕотунаан ситимэ», 5 түһүмэх военизированнай эстафета. Күрэҕи ырыанан киэргэттилэр Андрей Макаров, Намныына Попова, Виолеттта Петухова дуэттара, Сандаара Новоприезжая, Айыына Новикова. Күрэҕи дьүүллээтилэр Тумул орто оскуолатын ОБЖ учуутала Габышев И. Д., оскуола библиотекара Стрекаловская С. И., эбии үөрэхтээһин педагога Иванова Е. Д. Көрүү түмүгүнэн 1 миэстэни ыллылар Светлана Иванова, Дьулус Ивановтар, 2 миэстэни ыллылар Ирина Слепцова, Арылхан Егоров 3 миэстэни ыллылар Надежда Яковлевна Айаал Новоприезжайдар. Күрэх кыттааччыларыгар Тумул орто оскуола, кылааһын оҕолоро олохтообут бэлэхтэрин, грамоталарын туттардылар.
