Муус устар 6 күнүгэр Бороҕон нэһилиэгин Элэһин учаастагар Улуу Кыайыы 80 сылын көрсө Аҕа дойду сэриитин кыттыылааҕа, үлэ бэтэрээнэ, социалистическай куоталаһыы үс төгүллээх кыайыылааҕа, Бороҕон нэһилиэгин бочуоттаах олохтооҕо, булду, балыктааһыны тэрийээччи Копырин Дмитрий Дмитриевич аатын үйэтитэн оҕолоро сиэннэрэ, хос сиэннэрэ «Куйуур-2025» улуустааҕы аһаҕас күрэҕи тэрийдилэр. Күрэххэ Баатаҕай нэһилиэгиттэн 3 хамаанда, Тумултан, Арыы-Тиит, Элэһин учаастактарыттан уопсайа 6 хамаанда кыттыыны ыллылар. Кыттааччылар 4 көрүҥҥэ илин-кэлин түһүстүлэр ол курдук: 1 түһүмэх ойбон алларыыта, 2 түһүмэх куйуурдааһын, 3 түһүмэх салгын саатынан ытыы, 4 түһүмэх эстафета. «Куйуур-2025» күрэҕи дьүүллээтилэр Федоров С. И., Протопопов М. С., Копырин В. К., Татаринов Г. К., Борисов А. В., Барашков А. М. Күрэх түмүгүнэн 1-кы миэстэни Тумул хамаандата ылары ситистэ, 2-с миэстэ Баатаҕай-2с хамаанадата, 3-с миэстэ Баатаҕай 3 хамаандата. Маны таһынан көрөөччүлэргэ, ыалдьыттарга биирдиилээн дьоҥҥо ойбон алларыытыгар, сыал ытыытыгар, түөрэх быраҕыытыгар күрэхтэр бэрт көхтөөхтүк ыытылыннылар. Сүрүн бирииһи Копырин Дмитрий Дмитриевич оҕолоро, сиэннэрэ, хос сиэннэрэ, маны таһынан аймахтара Ил Түмэн депутата, строительнай рынок генеральнай директора Данилов И. И., Протопопова З. И., Алексеев Г. Г., Слепцова А. Е., Черкашиннар дьиэ-кэргэн, Копырина З. Н., Копырина М. Н. , Копырина Е. Н., Алексеев Т. Г., Ханчаевтар дьиэ кэргэн, улуус айылҕа харыстабылын начальнига Васильев С.С. олохтоотулар. Тэрээһин уопсай хаартыскаҕа түһүүнэн түмүктэннэ, күрэх кыттыылаахтара үөрэн-көтөн, күрэҕи тэрийбит Копырин Д. Д. оҕолоругар, сиэннэригэр, аймахтарыгар үрдүк таһымнаах күрэҕи тэрийбиттэригэр махтанан, астынан илии тутуурдаах, өттүк харалаах тарҕастылар.
