Балаҕан ыйын 18 күнүгэр «Кыайыы түһүлгэтэ» болуоссакка «Күһүҥҥү киһи күлбүтүнэн-2025» нэһилиэк оҕуруот аһын үүннэрээччилэрин күһүҥҥү дьаарбаҥката тэрилиннэ. Тэрээһин үөрүүлээх аһыллыытыгар Бороҕон нэһилиэгин баһылык эбээһинэһин толорооччу Протопопов Марсен Семенович бырааһынньыгынан эҕэрдэлээтэ, ылбаҕай ырыалар ылланнылар. Биирдиилээн оҕуруот аһын үүннэрээччилэргэ анаан «Муҥур улахан» күрэххэ моркуоп, кабачок, хортуоппуй, сүбүөкүлэ, оҕурсу көрүҥнэригэр күрэхтэһэн кыайыылаахтар быһаарылыннылар. «Дьиибэ-дьикти» араас быьыылаах үүммүт оҕуруот аһыгар 1 миэстэни ылла Габышева Фекла Степановна, 2 миэстэни ылла Бочкарева Акулина Егоровна, 3 миэстэ Новоприезжая Матрена Афанасьевна ылары ситистилэр. Түөлбэлэр икки ардыларыгар фотозона күрэҕэ, «Картошка пати» эстафета тэриллэн көрүү түмүгүнэн 1 миэстэ «Дьулуур» түөлбэ — начальник Капитонова НП, 2 миэстэ «Үрдэл» түөлбэ-нач. Винокурова МП, 3 миэстэ «Эрэл» түөлбэ-нач.Петухова ПМ. Кыайыылаахтарга Бороҕон нэһилиэгин олохтоох дьаһалтата олохтообут бириистэринэн, грамотанан наҕараадаланнылар, өйдөбүнньүк хаартыскаҕа түстүлэр. Оҕуруот аһа дэлэйэ турдун, үлэбит-хамнаспыт тупсан истин.
