Алтынньы 10 күнүгэр «Түмсүү» норуот айымньытын киинигэр үгэскэ кубулуйбут сылын аайы ыытыллар Аҕам саастаахтар декадаларын чэрчитинэн «Мин сааһым-мин баайым» бырааһынньыктааҕы тэрээһин ыытылынна. Дьоро күнү ыҥырыылаах ыалдьыппыт саха төрүт билиитин тарҕатааччы, Оҕо дьиэ-кэргэн министерствотын психологическай киинин уонна Саха государственнай, национальнай политика Департаменын, Саха республикатын маассабай спорт управлениетын иьинэн инструкторынан үлэлээбит Николаев Григорий Егорович сахалыы сиэринэн алгыстаан көрүстэ, тэрээьин торжественнай чааһыгар баһылык эбээһинэһин толорооччу Протопопов Марсен Семенович аҕам саастаахтары бырааьынньыгынан эҕэрдэлээтэ, «Көмүлүөк» үһүс саас оскуолатын салайааччыта Прудецкая С. А. махтал тыллара, «Аал уот» түмсүү салайааччыта Черкашин П. Е. үөрүүлээх күнүнэн аҕам саастаахтары, үбүлүөйдээх Алексеев Тимофей Иннокентьевиһы 75 сааһын туобутунан эҕэрдэ суругун, сэмэй бэлэҕин туттарда. Төгүрүк остуол тула араас көрдөөх оонньуулар оонньоннулар, эҕэрдэ ырыалар ылланнылар. Бырааһынньыктааҕы остуолу иилээн-саҕалаан ыытта социальнай харалта үлэһитэ Парникова Анна Михайловна. Олохтоох библиотекарь Прудецкая Светлана Александровна аҕам саастаахтарга аналлаах викторина оонньотто. Аҕам саастаах дьоммут ирэ-хоро кэпсэтэн, оонньоон-көрүлээн үөрэ-көтө бырааһынньыгы атаардылар.
