Муус устар 13 күнүгэр Улуу Кыайыы 80 сылын чэрчитинэн ТСТ Бороҕон нэһилиэгэр сандал сааһы көрсө булчуттар күрэхтэрэ тэрилиннэ. Бу күн түөлбэ олохтоохторо хорчуопка, атыы-тутуу тэрийдилэр, бырааһынньыктааҕы эҕэрдэ нүөмэрдэр, бэйэбит уолбут Арыы-Тиит уч. төрүттээх, Тулуна нэһилиэгэр үлэлии-хамсыы сылдьар Гаврил, Анастасия Шепелевтар ыллаан-туойан киэргэттилэр. Олохтоох дьаһалта көҕүлээһининэн булчуттар күрэхтэрэ бэрт көхтөөхтүк тэрилиннэ. Күрэххэ 4 хамаанда 5 түһүмэххэ илин-кэлин түһүстүлэр. Күрэҕи дьүүллээтилэр ТСТ Бороҕон нэһилиэгин солбуйар баһылыга Протопопов М. С., Копырин К. М., Алексеев В. В. Күрэх түмүгүнэн 1 миэстэни ылары ситистилэр Арыы-Тииттэн «Эрэл» хамаанда уонна нэһилиэк кадровай булчута Петухов Дмитрий Дмитриевич дьиэ-кэргэнэ олохтообут анал бирииһинэн, маны таһынан нэһилиэк бастакы кадровай булчута Барашков Михаил Степанович (Чөрөйөр оҕонньор) аатынан 5000 солк суммалаах бирииһи олохтоотулар кыыһа Барашкова Варвара Михайловна оҕолоро, сиэннэрэ Алексеева Ирина Васильевна, Алексеева Варвара Васильевна, Барашков Михаил Григорьевич, Поисеева Мотрена Васильевна, хос сиэнэ Аржакова Татьяна Васильевна кыыһа Анастасия Аржакова уонна грамотанан, мэтээлинэн наҕараадаланнылар. Иккис миэстэни ыллылар В. М. Прокопьев аатынан Тумул орто оскуолатыттан «Мохсоҕол» хамаандата, уонна нэһилиэк кадровай булчута Алексеев Гаврил Тихонович аатынан оҕолоро, сиэннэрэ олохтообут анал бирииһинэн, маны таһынан хамаанда кыттыылааҕар Татаринов Гаврил Константиновичка биатлон күрэҕэр бастаабытын иһин кадровай булчут Петухов Дмитрий Дмитриевич аатынан оҕолоро, сиэннэрэ олохтообут 5000 солк суммалаах сертификатынан, грамотанан, мэтээлинэн наҕараадаланнылар. 3 миэстэни ыллылар ЖКХ «Үрдэл» хамаандата уонна «Түмсүү» с/к олохтообут анал бирииһинэн, маны таһынан нэһилиэк бастакы кадровай булчута Барашков Михаил Степанович (Чөрөйөр оҕонньор) аатынан 7500 солк анал бирииһи уола Барашков Кузьма Михайлович оҕолоро, сиэннэрэ, хос сиэннэрэ олохтообут бирииһинэн, грамотанан наҕараадаланнылар. Хамаанда кыттыылааҕа Шепелев Трофим Трофимовичка кадровай булчут Татаринов Гаврил Николаевич кыыһа Аржакова Наталья Гаврильевна олохтообут анал бирииһинэн наҕараадаланна. 4 миэстэни ыллылар ЖКХ «Бэргэн» хамаандата уонна олохтоох дьаһалта олохтообут анал бирииһинэн, грамотанан, мэтээлинэн наҕараадаланнылар. Хамаанда кыттыылааҕар Алексеев Евстафий Иннокентьевичка нэһилиэк булчута Новоприезжий Устин Михайлович аатынан анал бирииһи туттарда уола Новоприезжий Василий Устинович. Икки хамаанданы күрэхтэһиигэ тэрийбит ЖКХ тэрилтэтин начальнигар Копырин Николай Михайловичка кадровай булчут Тимофеев Петр Христофорович аатынан анал бирииһи уола Тимофеев Константин Петрович олохтоотоото. Күрэхтэһииттэн астынан, бары илии тутуурдаах, өттүк харалаах, түмүккэ уопсай хаартыскаҕа түһүүнэн дьоро күн тумуктэннэ.
