Тохсунньу ый 20 күнүгэр Улуу Кыайыы 80 сылынан «Кыайыы Знамята» республиканскай эстафета биһиги нэһилиэккэ ыалдьыттаата. Тэрээһин «Кыайыы түһүлгэтэ» болуоссаттан саҕаланна. Кэлбит ыалдьыттар Кыайыыны уһансыбыттарга анаан сибэкки дьөрбөтүн уурдулар, өйдөбүнньүк хаартыскаҕа түстүлэр. Бүгүҥҥү тэрээһиҥҥэ ыалдьыттыы кэллилэр улуус ветераннарын Советын председатэлэ Федоров О.Ф., анал байыаннай дьайыы кыттыылаахтара Кириллин С. А. , Петров И. А., Ноговицын Р. Н. Кыайыы Знамятын ыаллыы сытар Суотту нэһилиэгин баһылыга Ксенофонтов С. И. делегациялаах Суотту орто оскуолатын знаменнай группата нэһилиэк аҕа баһылыгар Алексеев В. П. туттарда. Бу үөрүүлээх күҥҥэ эҕэрдэ тылын эттилэр Аҕа баһылык Алексеев В. П., Суотту нэһилиэгин муниципальнай тэриллии баһылыга Ксенофонтов С. И., Бороҕон нэһилиэгин «Аал уот» кырдьаҕастар түмсүүлэрин председателя Черкашин П. Е. Анал байыаннай дьайыы байыаһа Кириллин С. А. Тэрээһиҥҥэ 4 кылаас үөрэнээччилэрэ «Махтал Кыайыыны уһансыбыттарга» монтаж аахтылар кылаас салайааччыта Софронова Р. Е., трио толоруутугар «Ветеран» ырыа ылланна. Салгыы Кыайыы Знамята Лөгөй нэһилиэгэр В. М. Прокопьев аатынан Тумул орто оскуолатын знаменнай группата Бороҕон нэһилиэгин солбуйар баһылыга Протопопов М. С. салайааччылаах айаннаата. Тэрээһин уопсай хаартыскаҕа түһүүнэн түмүктэннэ.
