Муус устар 26 күнүгэр Улуу Кыайыы 80 сылынан, Россияҕа, Республикаҕа Аҕа дойдуну көмүскээччи, улууспутугар, нэһилиэккэ Тыа хаһаайыстыбатын сылларынан Бороҕон нэһилиэгин түөлбэлэрин икки ардыгар «Уруйдуубут Улуу Кыайыыны» диэн уус-уран самодеятельность кэнсиэрэ, сэрии, тыыл ветераннарын сырдатар быыстапка тэрилиннэ. Кыттыыны ыллылар «Үрдэл» түөлбэ, начальник Винокурова Мария Петровна, «Дьулуур» түөлбэ начальник Капитонова Наталья Петровна, «Эрэл» түөлбэ начальник Петухова Прасковья Михайловна. Ытык бэтэрээннэри сырдатар быыстапканы түөлбэттэн Протопопова З. И., Сокольникова А. С., Прудецкая С. А., Неустрова Т. Д., Парникова А. М. Иванов А.К. кэпсээтилэр. Ирдэбил быһыытынан сэдэх экспонаттары, түөлбэ сэрии, тыыл бэтэрээннэрин сырдаттылар. Кэнсиэргэ түөлбэ олохтоохторо 8-тыы ирдэниллэр нүөмэри көрөөччү дьүүлүгэр таһаардылар. Күрэҕи «Дьулуур» түөлбэттэн Новоприезжая Т. У, «Үрдэл» түөлбэттэн Находкина Н. Е., «Эрэл» түөлбэттэн Макарова С. А. дьүүллээтилэр. Түмүккэ 3 көрүҥү холбоон (военизированнай эстафета, выставка, кэнсиэр) түмүллэн 1 миэстэни ыллылар «Үрдэл» түөлбэ, 2 миэстэни ыллылар «Дьулуур», 3 миэстэ «Эрэл» түөлбэ. Кыайыылаахтар олохтоох дьаһалта туруорбут минньигэс тордунан, лауреаттар грамотанан наҕараадаланнылар. Инникитин даҕаны түөлбэ дьоно нэһилиэкпит сайдарын туһугар төһүү күүс буолуохтара диэн эрэнэбит.
