Тохсунньу 23 күнүгэр Уус-Алдан улууһун Мүрү нэһилиэгэр 2024 сыл бастыҥнарын ааттыыр дьоро күн тэрилиннэ. Биһиги нэһилиэктэн Сыл түмүгүнэн «Бастыҥ үлэлээх доруобуйа харыстабылын үлэһитэ» Тумуллааҕы врачебнай амбулатория терапевт бырааһа Пермякова Р. Ф. ааттанна. Республика идэлээх союьун тэрийиитинэн 5-c тегулун ыытыллыбыт «Славим трудом и песней край Олонхо» фестиваль-куонкуруска «Туйма» эр дьон ансаамбыла ситиьиилээхтик кыттаннар I cтепеннээх дипломан буолбут туоһуларын, өйдөбүнньүк бэлэҕи үөрүүлээх быһыыга-майгыга СР идэлээх союьун председателя Дегтярев Н.Н. туттарда .
Сыл түмүгүнэн нэһилиэктэр ситиһиилэрин кэпсиир, көрдөрөр быыстапканы олохтоох модельнай сельскэй библиотека сэбиэдиссэйэ Прудецкая С. А. туруоран сырдатта. Маны таһынан Олонхо дьиэтигэр «Дьөһөгөй оҕотун маанылаах киэргэлэ» быыстапкаҕа нэһилиэккэ баар ат симэхтэрэ, Алексеева Л.И, Габышева О.Н. улэлэрэ турдулар. «Талба талаан тахса турар-таптыыр дойдум Уус-Алдан» улахан кэнсиэргэ «Түмсүү» сынньалаҥ киин ырыаһыт уолаттара, ККиИ 2 курсун устудьуонката,практикатын бара сылдьар Лиана Габышева кыттыыны ыллылар, истиҥ ырыаларын бэлэхтээтилэр. Өссө да инникитин ситиһиилэр сиэттиһэн кэлэ турдуннар, саҥаттан саҥа үрдэллэр үксүү турдуннар.
