Муус устар 25 күнүгэр «Түмсүү» сынньалаҥ киинигэр Улуу Кыайыы 80 сылынан, Россияҕа, Республикаҕа Аҕа дойдуну көмүскээччи, улууспутугар, нэһилиэккэ Тыа хаһаайыстыбатын сылларын чэрчитинэн «Тумулчаана» оҕо саадын иитиллээччилэрин отчеттуур кэнсиэрэ тэрилиннэ. Уһуйаан иитиллээччилэрэ 2024-2025 сыл түмүгүнэн үгүс элбэх ситииһиилэрин билистибит. Кэнсиэргэ кыттыыны ыллылар уһуйаан кыра, орто, улахан, бэлэмнэнии бөлөҕүн иитиллээччилэрэ. Кырачаан иитиллээччилэр саҥа ырыаларынан, үҥкүүнэн, олоҥхо, хоһоон, акробатическай нүөмэрдэринэн көрөөччүлэр куттарын туттулар. Маны сэргэ төрөппүттэр, уһуйаан иитээччилэрин минньигэс астаах буфеты үлэлэтэн ас-үөл хамаҕатык атыыланна. Сылын аайы кырачаан оҕолорбут, сонунтан-сонуну, бииртэн биир чаҕылхай нүөмэрдэри көрдөрөннөр, көрөөччүлэр, төрөппүттэр астынан дуоһуйан ытыстарын тыаһын бэлэхтииллэр. «Тумулчаана» оҕо уһуйаана кэнчээри ычаттарбытын сырдыкка-кэрэҕэ уһуйа турдун.
