Ыам ыйын 1 күнүгэр Үлэ, Эйэ, Маай бырааһынньыгар нэһилиэк тэрилтэлэрин үлэһиттэрэ, түөлбэ олохтоохторо, оскуола оҕолорун күүһүнэн субуотунньук тэрилиннэ. Ол курдук сынньалаҥ паарканы «Түмсүү» сынньалаҥ киинэ,олохтоох дьаһалта үлэһиттэрэ, нэһилиэккэ киирии аартыгы олохтоох дьаһалта, «Иилдьи» пааматынньыгын ЖКХ, «Кыайыы түһүлгэтэ» болуоссаты, В. М. Прокопьев аатынан Тумул орто оскуолатын, футбольнай площадканы оскуола коллектива, үөрэнээччилэр бары күргүөмүнэн тахсан хомуйуу үлэтин ыыттылар. Бу күн элбэх үлэ үлэлэннэ, ырааһырдыы үлэтэ ыытылынна. «Эрэл» түөлбэ олохтоохторо оҕолуун, улахан дьоннуун тахсан түөлбэлэрин ыраастааһыҥҥа таһаарыылаахтык үлэлээтилэр, түөлбэ начальнига Петухова П.М. Түөлбэлэр ыраастаналларыгар, сыһыарыллыбыт территория аайы нэһилиэк дьаһалтата баһылык Алексеев В. П. трактордары сыһыаран,трактористар Алексеев П.П, Бочкарев Г.Е, Новоприезжай И.И, Васильев В.Ф. бөх-сыыс хомуллан, тута тиэллэн свалкаҕа сүөкэнэрэ ситиһилиннэ. Төрөөбүт төрүт түөлбэбит ыраас буоларын туһугар бука бары кыһаллыахха, үлэлиэххэ-хамсыахха, бөҕү-сыыһы ыһымыахха.
