Олунньу ый 28 күнүгэр «Түмсүү» сынньалаҥ киинигэр Алексей Прокопьевич, Матрена Степанова салалталаах Саха Өрөспүүбүлүкэтин үүнэр көлүөнэтин судаарыстыбаннай тыйаатыра гастрольнай бөлөҕө ыалдьыттаата. Кэлбит артыыстары саха сиэринэн көрсөн, итии чэйинэн, минньигэс аһынан күндүлээтибит, ол кэннэ «Кыайыы түһүлгэтэ» болуоссаты көрөн-истэн, кыайыыны уһансыбыттарга сибэкки дьөрбөтүн уурдулар, өйдөбүнньүк хаартыскаҕа түстүлэр. В. М. Прокопьев аатынан Тумул орто оскуолатын үөрэнээччилэрин кытта көрүстүлэр, истиҥник кэпсэттилэр, ыйытыкка эппиэттээтилэр. Күнүс оҕолорго анаан Т. Сметанин суруйуутугар «Күөрэгэй» кукольнай испиктээкили көрдөрдүлэр. Маны таһынан Александр Титигиров туруоруутугар А. Кириллин-Дьолу күүс суруйуутугар «Майаҕатта Бэрт Хара» испэктээкили көрөөччү дьүүлүгэр таһаарда. Сүрүн оруолга Георгий Бессонов, артыыстар олус итэҕэтиилээхтик оонньооннор көрөөччү болҕомтотун тартылар. Испиктээкилгэ толору көрөөччү кэлэн ытыстарын тыаһын бэлэхтээтилэр, Бороҕон нэһилиэгин аҕа баһылыга Алексеев В. П. махтал сурук, Сыҥаах-Бороҕон сувенирын үөрүүлээх быһыыга-майгыга туттарда. Испиктээкилтэн астынан-дуоһуйан, артыыстарга үлэлэригэр өссө үрдүк ситиһиилэри баҕардылар. Түмүккэ өйдөбүнньүк хаартыскаҕа үүнэр көлүөнэ артыыстарын кытта нэһилиэк дьоно түстүлэр.
