Ыам ыйын 9 күнүгэр ТСТ Бороҕон нэһилиэгэр Улуу Кыайыы өрөгөйдөөх 80 сылын көрүстүбүт. Бырааһынньыктааҕы тэрээһин Кыайыы парадыттан саҕаланна, кыттыыны ыллылар «Аал уот» аҕам саастаахтар түмсүүлэрэ, «Көмүлүөк» үһүс саас оскуолата, олохтоох дьаһалта, «Тумулчаана» оҕо саада, В. М. Прокопьев аатынан Тумул орто оскуолата, интернат, балыыһа, ветеринария, почта, «Түмсүү» с/к, ЖКХ, түөлбэ олохтоохторо, техникалар киэргэнэн «Өлбөт үйэлээх полк» сэрии ветераннарын мөссүөннэрин тутан, «Ураа» хаһыынан хаамтыбыт. Митинг Улуу Кыайыы Знамятын киллэрииттэн саҕаланна. Знамяны киллэрдилэр Тумул орто оскуолатын «Сокол» военнай-патриотическай кулууп үөрэнээччилэрэ. Үөрүүлээх тэрээһиҥҥэ Бороҕон нэһилиэгин баһылыга Алексеев В. П. эҕэрдэ тыла, сэрии кэмин оҕолоругар Протопопова З. И., Барашкова Р. Т., Чичигинаров Ю. П. нэһилиэк тэрилтэлэрэ, дьаһалта олохтообут өйдөбүнньүк бэлэхтэрин, эҕэрдэ суругу туттарда, Ил Дархан Николаев А. С. юбилейнай мэтээлэ, бэлэҕэ, эҕэрдэ суруга, Уус-Алдан улууһун баһылыгын эбээһинэһин толорооччу Артамонов И. Ю өйдөбүнньүк бэлэҕэ, эҕэрдэ суруга үөрүүлээх быһыыга-майгыга туттарылынна. Маны таһынан Бороҕон нэһилиэгин баһылыга Алексеев В. П. анал байыаннай дьайыы кыттыылаахтарыгар, төрөппүттэригэр эҕэрдэ суруктары, Татьяна, Николай Неустроевтарга республикаттан «Матери солдата», «Отец солдата» түөскэ кэтиллэр мэтээл, удостоверение туттарда. Кэриэстэбил веногун киллэрдилэр сэрии ветераннарын оҕолоро Барашков Иван Иванович, Габышев Петр Петрович, Находкин Владимир Егорович, Алексеев Тихон Гаврильевич, Васильев Юрий Петрович, ол кэннэ биир мүнүүтэлээх тохтобул биллэрилиннэ. Улуу Кыайыы 80 сылынан эҕэрдэлээтилэр «Аал уот» аҕам саастаахтар түмсүүлэрин салайааччыта Черкашин П. Е., сэрии кэмин оҕолорун аатыттан Протопопова З. И., В. М. Прокопьев аатынан Тумул орто оскуолаттан оскуола президенэ Афанасьева Айыына. Митинг эҕэрдэ ырыаларынан, үҥкүүнэн, тэрээһин Кыайыы оһуохайынан түмүктэннэ, оһуохайы таһаарда үлэ ветерана Петухова Н. С. Митиҥҥэ кэлбит дьону оскуола повардара Андросова А. М. Капитонова Н. П. минньигэс хааһынан күндүлээтилэр. Салгыы киин уулуссаҕа Кыайыы эстафетата түөлбэлэр икки ардыларыгар бэрт көхтөөхтүк ыытыллан, 1 миэстэни «Дьулуур» түөлбэ сал. Капитонова Н. С., 2 миэстэни ыллылар «Үрдэл» түөлбэ салайааччыта Винокурова М. П., «Эрэл» түөлбэ салайааччыта Петухова П. М. Эстафета кэнниттэн граната быраҕыытыгар 1 м ыллылар «Дьулуур» түөлбэ, 2 м «Үрдэл» түөлбэ, 3 миэстэ «Эрэл» түөлбэ. Тэрээһин уопсай хаартыскаҕа түһүүнэн түмүктэннэ. Ким да умнуллубат, туох да умнуллубат.
