Арыы-тиит учаастагар балаҕан ыйын 30 күнүгэр «Айылҕа күндү бэлэҕэ» күһүҥҥү атыы-эргиэн дьаарбаҥката ыытылынна. Олохтоохтор бэйэлэрэ үүннэрбит оҕуруоттарын аһыттан оҥорбут кэнсиэрбэлэрин, буһарбыт бурдук астарын, хороҕор муостаах үүтүн, сүөгэйин, этин, айылҕа бэлэҕиттэн барыанньа, морс дэлэччи атыылаатылар. Хаһаайкалар оҕуруот үүннэриитигэр араас ньымаларын үллэһиннилэр, сонун оҕуруот астарын үүннэриини кэпсээтилэр. Дьаарбаҥка кыттааччылара үөрэ-көтө атыылаан, атыылаһан тарҕастылар.
