Сэтинньи 17 күнүгэр улууспут киинигэр Мүрү нэһилиэгэр «Тойон Мүрү» культура дыбарыаһыгар «Культура-сайдыыбыт чыпчаала, норуоппут үйэлээх үгэһэ» улууспут народнай коллективтарын күннэрин чэрчитинэн «Айыллан» норуот театра ыалдьыттаата. «Дуораан» араадьыйаҕа «Айыллан» норуот тыйаатырын режиссера Андрей Макаров, норуот тыйаатырын артыыстара, сыана бэтэрээннэрэ Петр Черкашин, Акулина Степановна быһа эфирга таҕыстылар, театр өр сыллаах, айымньылаах үлэтин туһунан кэпсээтилэр. Тэрээһин «Айыллан» норуот театрын историятын, олоҕун билиһиннэрэр, кэпсиир выставкаттан саҕаланна. Кэлбит ыалдьыттарга выставканы билиһиннэрдэ олохтоох библиотекарь Прудецкая С. А. «Айыллан» норуот театра көрөөччүлэргэ анаан «Көлүөнэ быстыбат ситимэ» дьоро күҥҥэ, театр 3 көлүөнэ артыыстара кыттыылаах Ф. Буляков «Ньургуһун иккистээн тылынна» комедияны, Тумул орто оскуолатын 6 кылааһын үөрэнээччитэ Наина Васильева Эрилик Эристиин «Хачыгыр» айымньыттан быһа тардан аа5ыыта. Н. Гоголь «Кэргэн кэпсэтии» комедиялары бэрт итэҕэтиилээхтик оонньоон, көрөөччү биһирэбилин ыллылар. Түмүккэ информационнай — методическай киин специалиһа Федорова А. Е. норуот театрын туоһулуур аатын 4 сылга биирдэ көмүскүүр бигэргэммит туоһу суругу туттарда.
