«Түмсүү» норуот айымньытын киинигэр алтынньы 22 күнүгэр күн күбэй ийэлэргэ, эйэҕэс эбээлэргэ анаан республикаҕа Ийэ күнүн декадатын чэрчитинэн маастар кылаас тэрилиннэ. Ол курдук олохтоох дьаһалта специалиһа, элбэх оҕолоох ийэ-Алексеева Ирина Васильевна аналлаах сабынан макраме көрүҥэр панно оҥорорго үөрэттэ. Маастар кылааска араас техниканы туһанан оһуор арааһын оҥоттордо, билиһиннэрдэ. Маастар кылаас кыттыылаахтара бэйэлэригэр кэрэ бэлэх оҥостон үөрэн-көтөн дуоһуйан, махталларын биллэрдилэр, саҥа ньыманы баһылаатылар.
