Олунньу 22 күнүгэр нэһилиэкпитигэр толору хааччыллыылаах 24 квартиралаах таас дьиэ үөрүүлээх аһыллыыта буолла. 3 этээстээх саҥа таас дьиэ5э Тумул, Элэһин уч, Арыы-Тиит уч хаарбах дьиэттэн көһөн 17 ыал саҥа дьиэ күлүүстэрин туттулар. Бу дьиэ «Хаарбах туруктаах дьиэттэн көһөрүү» федеральнай программанан 2022 сылтан саҕаланан тутуллан киирдэ. Дьиэни тутааччы тэрилтэнэн «Альянс-СПМ» ХЭТ тутуу хампаанньатын генеральнай директора Сергеев П. Н. буолар. Саҥа дьиэ сиэрин-туомун, алгыһын оҥордо алгысчыт-Аргунов А. Г. Үөрүүлээх аһыллыыга нэһилиэк дьаһалтатын баһылыга Алексеев В. П. эҕэрдэтэ, Уус-Алдан улууһун баһылыга Аммосов Василий Иванович, солбуйар баһылык Троев И. И., тутуу архитектураҕа отдел начальнига Гуляев М. В. сири бас билии отделын специалиһа Борисова А. Т., олоҕу-дьаһаҕы хааччыйыы отдел начальнига Черкашина М. М., ООО «Альянс-СПМ» ХЭТ тутуу хампаанньатын ген. директора Сергеев П. Н., дьиэ-уот тутуутун ГКУ дирекциятын мониторинг начальнига Николаев С. Э. ыалдьыттаатылар, эҕэрдэ тылын эттилэр. Саҥа дьиэ күлүүстэрин туппут олохтоохтор өр кэмҥэ күүппүт баҕа санаалара туолан үөрүүлэрэ үксээтэ.
