Сэтинньи 23 күнүгэр «Олоҥхо дьиэтэ» этнокультурнай кииҥҥэ олоҥхо декадатын чэрчитинэн олоҥхоһут Дмитрий Михайлович Говоров-Олоҥхоһут Миитэрэй 175 сылыгар аналлаах «Олоҥхону толорууга утумнаахтык» оҕолорго олоҥхо ааҕыытыгар улуустааҕы күрэх буолла. Уопсайа 8 нэһилиэктэн 7 бөлөҕүнэн толоруу, 11 биирдиилээн олоҥхону толорооччу кытынна. Тумул орто оскуолатын 11 кылааһын үөрэнээччитэ Ариана Андреева С. Васильев «Мөҥүрүүр Бөҕө» олоҥхоттон быһа тардыыны аахта, Айсена Новоприезжая Тумул орто оскуолатын 8-с кылааһын үөрэнээччитэ Тимофеев-Теплоухов И. Г. «Куруубай хааннаах Кулун Куллустуур» олоҥхоттон быһа тардыыны ааҕан 2 миэстэни ылла. Быйылгы күрэх уратытынан буолар 2-с түһүмэххэ кыттааччылар олоҥхо сүрүн геройдарын тута хоһуйдулар. Бу күрэххэ Айсена Новоприезжая 2-с миэстэни ылары ситистэ. Сал. Габышева Т. Г.
