Алтынньы 27 күнүгэр «Түмсүү» сынньалаҥ киинигэр Россияҕа уонна Саха сиригэр Ийэлэр күннэригэр аналлаах «Эбээм сырдык мичээрэ» диэн нэһилиэк эйэҕэс эбээлэригэр күрэх буолла. Күрэххэ кыттыыны ыллылар нэһилиэкпит араас эйгэҕэ үлэлии-хамсыы сылдьар элбэх оҕо, сиэн эйэҕэс эбээлэрэ Алексеева Л. И. «Тумулчаана» оҕо саадын иитээччитэ, 3 кыыс оҕо тапталлаах ийэтэ, 11 сиэн эйэҕэс эбээтэ. Аржакова Е. А. «Түмсүү» с/к тутаах үлэһитэ, 2 уол оҕо тапталлаах ийэтэ, 6 сиэн эйэҕэс эбээтэ. Алексеева Г. Г. «Тумулчаана» о5о саадын минньигэс астаах повара, 3 о5о күн күбэй ийэтэ, 5 сиэн эйэҕэс эбээтэ. Прудецкая Е. П. олохтоох «Темп» маҕаһыын тутаах үлэһитэ, 5 уол оҕо күн күбэй ийэтэ, 7 сиэн эйэҕэс эбээтэ. Оллонова Г.Г. Ары-Тиит олохтооҕо, универмаг маҕаһыын тутаах үлэһитэ, 5 оҕо тапталлаах ийэтэ, 10 сиэн, 1 хос сиэн эйэҕэс эбээтэ. Габышева А. Г. дьиэ хаһаайката, иистэнньэҥ, 2 оҕо тапталлаах ийэтэ, 2 сиэн эйэҕэс эбээтэ. Савьелева З.Н. Арыы-Тиит олохтооҕо, «Туйма» СПКХ үлэһитэ, 3 оҕо күн күбэй ийэтэ, 2 сиэн эйэҕэс эбээтэ. Күрэх уопсайа 6 түһүмэҕинэн ыытылынна. Курэх күнүскү өттүгэр 2 түһүмэххэ эйэҕэс эбээлэр дьүүллүүр сүбэ, көрөөччүлэр иннилэригэр минньигэс ас, иис көрүҥүн көрдердүлэр. Күрэх бириэмэтигэр «Минньигэс ас» түмсүү салайааччыта Ксенофонтова Т. П. маастар кылаас ыытта, «Күбэйэ» дьахталлар түмсүүлэрэ кумааҕыны эрийэн оҥорбут үлэлэрин көрдөрдүлэр, кэпсээтилэр. Киэһэ үрдүк сыанаттан эбээлэрбит бэйэлэрин билиһиннэрэн, тугунан дьарыктаналларын, талааннарын, кэрэ көстүүлэрин көрөөччү дьүүлүгэр таһаардылар, илин-кэлин түһүстүлэр. Күрэҕи дьүүллээтилэр Протопопов М. С. нэһилиэк солбуйар баһылыга, Прудецкая С. А. «Көмүлүөк» 3-саас оскуолатын салайааччыта, олохтоох библиотека заведующайа. Иванова С. И. элбэх оҕо ийэтэ, эйэҕэс эбээтэ, нэһилиэккэ ыытыллыбыт «Далбар Хотун» күрэх кыайыылааҕа. Прокопьева Е. И. СР норуотун маастара. Черкашин П. Е. СР культуратын туйгуна, «Аал уот» ветераннар советтарын председателэ. Бырааһынньыктааҕы киэһээни ырыанан киэргэттилэр нэһилиэк киэн туттар ырыаһыттара. «Эбээм сырдык мичээрэ» күрэх кыайыылааҕынан эгил-тэгил түсүһэн «Далбар Хотун эбээ» ааты сүктэ Габышева А. Г. «Минньигэс астаах эбээ” анал аат кыайыылааҕа Алексеева Г. Г. “Уран тарбахтаах эбээ” Прудецкая Е. П.,“Сатабыллаах эбээ” Савельева З.Н., “Булугас өйдөөх эбээ”, «Көрөөччү биһирэбилэ» анал ааттар кыайыылааҕа Алексеева Л. И., “Хомоҕой тыллаах эбээ” Оллонова Г. Г.“Кэрэ көстуулээх эбээ” Аржакова Е. А. Күрэх кыттыылаахтарыгар бэйэлэрин кылааттарын киллэрэн спонсордаатылар биир дойдулаахтарбыт Копырин Д. Д. ООО «Быйаман» тутуу хампаанньа генеральнай директора , Алексеева Л. С. олохтоох «Темп» маҕаһыын салайааччыта, Боохой Сүргэн-«Хардыы» маҕаһыын салайааччыта, Габышев А. И. «Силим» тутуу хампаанньатын солбуйар директора. Бырааһынньыктааҕы киэһэни киэргэппит күрэх кыттыылаахтарыгар Бороҕон нэһилиэгин баһылыга Алексеев В. П., тэрилтэ салайааччылара, аймахтара, оҕолоро өйдөбүнньүк бэлэхтэри туттардылар, эҕэрдэ тылларын эттилэр. Түмүккэ өйдөбүнньүк уопсай хаартыскаҕа түһүү буолла.
