Ыам ыйын 21 күнүгэр «Түмсүү» норуот айымньытын киинигэр Саха өрөспүүбүлүкэтигэр ырыа күнүгэр аналлаах, самаан сайыны көрсө «Ырыа-олох аргыһа» диэн ырыа дьоро түһүлгэтэ ыытылынна. Кыттыыны ыллылар «Далбар», «Дьүөгэлиилэр» дьахталлар ансаамбыллара, «Кэрэли» оскуола оҕолорун ырыа бөлөҕө, салайааччы Слепцова Ирина Петровна. Ырыа бырааһынньыгын киэргэттилэр нэһилиэк киэн туттар ырыаһыттара сыана ветерана Анна Федотовна Алексеева, Андрей Макаров, Сахаяна Аргунова, Лилиана Петухова, Тимур Корякин, Анатолий Габышев, Нарыйа Новикова, Ирина Слепцова, Ион Соловьев, кырачаан ырыаһыттарбыт Василина Петухова Айыына Новикова дуэттара, Быйаман Габышев, Всеволод Макаров. Ырыа түһүлгэтин иилээн-саҕалаан ыытта Элэһин кулуубун уус-уран салайааччыта Ион Соловьев. Маны тэҥэ көрөөччүлэргэ анаан «Сайын бэлэ5э» сүүйүүлээх оонньуу бэрт көхтөөхтүк ыытылынна. Көрөөччүлэр дьоро киэһэттэн астынан, дуоһуйан ытыстарын тыаһын бэлэхтээтилэр. Ыллыыр омук инникилээх, Ырыаны аргыс оҥостуоҕуҥ, олохпутун чэпчэтиэҕиҥ.
